Oarsoaldeko turismo bulegoek udako ordutegia abiatu dute

Oarsoaldeko (Gipuzkoa) informazio gune eta turismo bulego guztiak zabalik egongo dira uda sasoia hastearekin batera, batzuek eta ohiko ordutegia zabaldu egingo dute, Oarsoaldea garapen agentziatik jakinarazi dutenez.

Alde batetik, urte osoan irekita dauden Errenteriako eta Pasaiako bulegoek ordutegi zabalagoa izango dute abuztuaren 31ra arte, eta 09:30etik 14:30era eta 15:30etik 18:30era emango dute arreta egunero.

Bestalde, ekainaren 1etik urriaren 12ra, Errenteriako San Marko Gotorlekua zabalik dago asteazkenetik igandera, baita jaiegun eta zubietan ere, 10:00etatik 14:00etara eta 16:00etatik 18:00etara. Gotorlekuaren eta bailararen bilakaera historikoa ezagutu nahi dutenentzat bisita gidatuak doan daude egunero, irekita dagoen egun guztietan.

Era berean, Listorreta-Barrengoloiako informazio bulegoa ere zabalik dago Errenterian. Urriaren 12ra arte egongo da martxan, ostegunetan 08:30etik 14:00etara, eta ostiral, larunbat, igande zein jaiegunetan 08:30etik 14:00etara eta 15:00etatik 18:30era.

Azkenik, uztailaren 1etik abuztuaren 31ra bitartean Oiartzungo turismo bulegoa ere zabalik egongo da. Arizmendi Enea Etxe-Museoko behe solairuan kokatuta, egunero eskainiko du arreta 09:30etik 14:30era eta 15:30etik 18:30era.

Horrez gain, XVII. mendeko eraikinaren historia ezagutzeko bisita gidatuak doan eskainiko dira: ostiraletan 11:00etan (euskaraz, gaztelaniaz edo frantsesez), eta larunbat eta igandeetan 10:00etan eta 12:00etan (euskaraz), eta 11:00etan eta 13:00etan (gaztelaniaz).

Aurrez erreserba egitea beharrezkoa da: 943 50 89 13 telefonora deituta edo turismoaoiartzun@oarsoaldea.eus helbidera idatzita egin daiteke.

Bertakoek zein bisitariek inguruan egiteko plan, proposamen eta ideia askoren berri edo informazio pertsonalizatua jasotzeko aukera izango dute informazio gune guztietan, baita eskualdeko bisita gidatu eta turismo baliabide gehienetarako erreserbak egiteko aukera ere.