EAEk 926 langabe gehiago izan ditu martxoan eta guztira 111.471 daude

Euskal Autonomia Erkidegoan (EAE) 926 langabe gehiago zenbatetsi dira martxoan, hau da, aurreko hilean baino %0,84 gehiago, eta orotara 111.471 daude, 2023ko martxoan baino 2.279 gehiago (+%2,09), Lanbide euskal enplegu zerbitzuan erregistratutako datuen arabera.

Sexuen arabera, emakumezko 64.253 eta gizonezko 47.218 langabe daude, hots, otsailean baino 422 (+0,66) eta 504 (+%1,08) gehiago eta duela urtebete baino 1.258 (+2,00) eta 1.021 (+2,21) gehiago, hurrenez hurren.

Adinari erreparatuta, 30 urtetik beherako 18.714 langabe daude, hau da, aurreko hilean baino 531 gehiago (+%2,92) eta joan den urteko martxoan baino 1.317 gehiago (+%7,57); 30 eta 44 urte bitarteko langabeak 32.185 dira, otsailean baino 325 gehiago (+%1,02) eta 2023ko martxoan baino 122 gehiago (+%0,38), eta 45 urtetik gorakoak 60.572, aurreko hilean baino 70 gehiago (+%0,12) eta iaz baino 840 gehiago (+%1,41).

Sektoreka, zerbitzuetan 78.294 langabe daude, otsailean baino 582 gehiago (+%0,75) eta 2023ko martxoan baino 1.750 gehiago (+%2,29); aurreko enplegurik gabeko kolektiboan 14.367 langabe zenbatetsi dira, aurreko hilean baino 297 gehiago (+%2,11) eta iaz baino 818 gehiago (+%6,04); industrian 10.449 langabe daude, otsailean baino 65 gutxiago (-%0,62) eta 2023an baino 333 gutxiago (-%3,09); eraikuntzan 6.260 langabe zenbatetsi dira martxoan, aurreko hilean baino 116 gehiago (+%1,89) eta 2023an baino 10 gutxiago (-%0,16); nekazaritza eta arrantzan 2.101 langabe daude, otsailean baino 4 gutxiago (-%0,19) eta iaz baino 54 gehiago (+%2,64).

Lurralde historiko bakoitza kontuan hartuta, Araban 18.867 langabe daude, aurreko hilean baino 35 gutxiago (-%0,19) eta 2023ko martxoan baino 499 gutxiago (-%2,58); Bizkaian 62.905 langabe zenbatetsi dira, otsailean baino 427 gehiago (+%0,68) eta iaz baino 1.509 gehiago (+%2,46); azkenik, Gipuzkoan 29.699 langabe daude guztira, aurreko hilean baino 534 gehiago (+%1,83) eta 2023an baino 1.269 gehiago (+%4,46).

Azkenik, kontratazioari dagokionez, martxoan 55.504 kontratu berri sinatu dira EAEn, eta horietatik 13.664 mugagabeak izan dira, hau da, ia lautik bat.