Abstentzio handia atzo Ipar Euskal Herrian

- Lapurdi, Nafarroa Behera eta Zuberoko herritar gehienak ez ziren hauteslekuetara joan atzo Akitania Berria eskualdeko eta Pirinio Atlantikoetako departamenduko kontseiluak berritzeko egunean. Aurreikusita zegoen bezala boz emaile gehienak etxean egon ziren eta arratsaldeko bostetan parte hartzea %31,37koa zen, Frantziako estatuan baino pixka bat gehiago baina duela sei urte baino askoz gutxiago. Zenbait udaletan arazoak izan zituzten boluntario gutxi agertu baitzen bozketaren antolaketan laguntzeko.

Hauteslekuetan egun osoan egon ziren hautetsi eta hautagaiek gogoratu zuten tokiko bi erakundeek eguneroko bizian eragiten dutela garapen ekonomikoa, garraioak edo arlo soziala bezalako eskumenak kudea- tzen baitituzte. Mugaz gaindiko harremanetan ere eragiten dute elkarlana eginez Eusko Jaurlari- tza, Nafarroa Garaiko gobernua eta Gipuzkoako Aldundiarekin.

Urtebete falta da hauteskunde presidentzialak eta legegileak ospatzeko Frantzian eta beraz atzokoa proba izan zen Emmanuel Macron presidentea eta Errepublika Martxan bere mugimenduarentzat.