Ikasleek badakite bullyingaren aurrean nola jokatu?

Eskola-jazarpeneko egoera bat ikusi duten ikasleen % 92,82k ez dute jakin zer egin; % 69k, aldiz, ez zioten jakinarazi irakasle bati bullying-lekuko izan zela, eta % 79,83k ez zioten esan familiari.

Hala adierazten du Lehen Hezkuntzako Eskola Bizikidetzari buruzko Estatuko Azterlanak, 37.000 ikasle, irakasle familia, zuzendaritza-talde eta orientazio-talde baino gehiagoren datuekin egina, eta asteazken honetan Eskola Bizikidetzaren Estatuko Behatokiaren osoko bilkuran aurkeztua.

Txostenaren arabera, eskola-jazarpeneko egoera bat ikusi duten ikasleen % 17,6 ez zen gaizki sentitu, % 90,1ek ez zion erasotzaileari aurre egin eta % 85,1ek ez zuen ikaskide batekin hitz egin.

Ikasleen % 9.53k adierazi du jazarrita sentitu dela eta % 9,20k ziberjazarpenaren biktima izan dela. Ikasleei inoiz norbait jazarri edo ziberjazarri duten galdetzean, berriz, % 4.58k eta % 4.62k baietz erantzun dute, hurrenez hurren. Hau da, jazarpena hautematen duten ikasleen ehunekoa erasotzen ari direla uste dutenen bikoitza da.

Azterlanak azaltzen duenez, datu horien arteko aldea honako arrazoi hauengatik izan daiteke: alde batetik, "erasotzaileek erantzukizuna onartzen ez dutelako, ez baitira ohartzen ikaskideen duintasuna kaltetzen edo zauritzen ari direnik", eta, bestetik, ikasle bat kide bat baino gehiagoren jazarle/ziberjazarle izan daitekeelako.

Jazarpenik jasan ez duten ikasleei ( % 90,5) jazarpen-egoera bat ikusi badute zer egin duten galdetu zaienean, % 30.91k adierazi du irakasle bati jakinarazi ziola, % 20,17k familiari eta % 14,8k ikaskide bati.