Johan de Meij Udal Bandaren denboraldiko konpositore egoiliarrak ‘Entre sueños y sombras literarias’ zuzenduko du asteazken honetan

Vitoria-Gasteizko Udal Musika Bandaren denboraldiak aurrera jarraitzen du eta asteazken honetan (19:30) Entre sueños y sombras literarias kontzertua iritsiko da Europa Jauregira. “Kontzertu honek literatura ezezaguna den horrekin eta fantasiarekin lotzen du, eta ziur nago, kontzertuaren izenburuak dioen bezala, amets egingo dugula. Denboraldi honetako laugarren hitzordua da, eta ziur nago aurrekoen kalitate eta talentu maila bereko esperientzia eskainiko digula”, iragarri du Sonia Díaz de Corcuera Kultura eta Hezkuntza zinegotziak.

Johan de Meij denboraldiko musikagile egoiliarra izango da bertan, zuzendari gonbidatu gisa, baina ez da Gasteiz bisitatzen duen lehen aldia: “Ohore handia da Johan de Meij berriro ere zuzendari gonbidatu gisa izatea, gure taldearentzat mugarri izan zen lehen lankidetza hartatik 16 urte igaro diren honetan. Bere sormen-presentzia etengabea izan da urte hauetan zehar, bere obraren inguruan programazio osoa egituratzea naturala izateraino. Guretzat oso pozgarria eta harro egoteko modukoa da Gasteizko publikoari horrelako proposamen artistiko bat eskaintzea”, adierazi du Luis Orduñak, Bandako zuzendariak.

“Oso hunkituta nago Gasteizera itzuli naizelako Bandaren zuzendari gonbidatu gisa hainbeste urteren ondoren. Harro nago nire 3 lan berri aurkezteaz: Los Libros Olvidados, Carlos Ruiz Zafónen La Sombra del Viento eleberri ospetsuan oinarritutakoa, Joaquín Díaz Bandako bakarlariarekin eskainiko dugun UFO Concerto bonbardino-kontzertua eta Triptychon", azaldu du Meijek.

3 piezako programa hau Gasteizko taldeak lehen aldiz interpretatuko du:

• Johan de Meijen ‘Los Libros Olvidados’
• Bartzelona 1945
• Los Libros Olvidados – El Cementerio
• Las Ramblas – Els Quatre Gats
• Coubert – El Hombre sin Rostro
• Bea (Beatriz)
• El Inspector Fumero
• La Ciudad de las Sombras
• Johan de Meijen ‘UFO Concerto’. Bonbardino-bakarlaria: Joaquin Diaz
• Andante – Con mot
• Giocoso – Vivo
• Andante cantabil
• Vivace
• Alla Marcia – Vivace

Diazek “basakeria” hitza erabili du kontzertua deskribatzeko: “Benetako kontzertu-basakeria iruditzen zait, motibazio- eta ilusio-dosi berberak biltzen dituena, ukigarria den horren mugak aztertzen dituen lanean oinarritutakoa. Hortik dator, hain zuzen ere, UFO Concerto izenburua. Ia 10 urte geroago, bonbardinoarekin bakarlari gisa aritzea albo batera utzi ezin dudan erronka da; gainera, konpositorea bera zuzendari gisa izanda, ondo pasatuko dugu ”.