Hodeiak ugarituko dira ostegunean

Euskalmet euskal meteorologia agentziaren iragarpenaren arabera, ostegunean, maiatzaren 1ean, hodeiak ugaritu egingo dira, oro har erdi-mailako hodeiak eta goi-hodeiak. Gainera, arratsaldean bero-hodeiak garatuko dira eta zaparradaren bat edo beste bota dezake, probabilitate handiagoarekin hegoaldean eta mendebaldean.

Barnealdean hego-ekialdeko haizea ibiliko da, bolada gogorrekin haizeguneetan, eta kostaldean haizeak ipar-ekialdera egingo du arratsaldean

Barnealdean hego-ekialdeko haizea ibiliko da, bolada gogorrekin haizeguneetan, eta kostaldean haizeak ipar-ekialdera egingo du arratsaldean. Tenperatura maximoetan ia ez da aldaketarik izango barnealdean eta kostaldean pixka bat jaitsiko dira.

Hiriburuetan, Baionan 13 gradu espero dira gutxienez eta 24 gehienez, Bilbon 14 gutxienez eta 24 gehienez, Donostian 13 gutxienez eta 23 gehienez, Gasteizen 11 gutxienez eta 22 gehienez eta Iruñean 10 gutxienez eta 22 gehienez.

Itsasgorak 07:57an eta 20:14an izango dira, eta itsasbehera 13:59an. Uraren tenperatura 15 gradukoa da eta ikuspena hamar kilometrotik gorakoa izango da

Itsasbazterrean hego-osagaiko haizea ibiliko da 3-4ko indarrarekin, eta eguerdi inguruan ipar-ekialdera egingo du 3ko indarrarekin eta 4ko tarteekin; itsaso kizkurra eragingo du, eta eguerditik aurrera itsaskirria, itsaskiko guneekin.

Ipar-mendebaldeko hondoko itsasoak metro erdiko olatuak altxatuko ditu. Itsasgorak 07:57an eta 20:14an izango dira, eta itsasbehera 13:59an. Uraren tenperatura 15 gradukoa da eta ikuspena hamar kilometrotik gorakoa izango da.