2025eko dirubilketa 3.157,5 milioi eurokoa izan da Araban

Abenduko ziurtagirian islatutako dirubilketa metatuak igoera bat erakusten du 2024an lortutakoarekin alderatuta. Dirubilketak bilakaera positiboa izan du, eta horrek esan nahi du % 11,5 igo dela aurreko urteko abenduan metatutakoarekin alderatuta.

2025eko 3.157,5 milioi euroko dirubilketak erakusten du ekitaldi horretan 326,5 milioi euroko igoera bat izan dela aurreko ekitaldiarekin alderatuta.

DIRUBILKETA GUZTIRA (laburpena)

2025ean, zuzeneko zein zeharkako zergen dirubilketak bilakaera positiboa izan du aurreko urtearekin alderatuta.

Zehazki, zuzeneko zergek % 9,2ko igoera izan dute aurreko ekitaldiko dirubilketarekin alderatuta, hau da, 129,8 milioi euro gehiago bildu da.

Zeharkako zergen kasuan, aurreko ekitaldiarekiko igoera 137,3 milioi eurokoa izan da, 2024koa baino % 13 handiagoa. 

Hartara, zuzeneko zergen bidez 1.543,2 milioi euro bildu dira guztira, eta zeharkako zergen bidez, berriz, 1.193,4 milioi euro. 

ZUZENEKO ZERGAK: 1.543,2 milioi euro (+ % 9,2) 

PFEZ: 1.191,7 milioi (+ % 13,5) 

PFEZaren bilakaerari esker, 1.191,7 milioi euroko dirubilketa lortu da, guztira, eta horrek esan nahi du % 13,5eko igoera izan dela aurreko urtean metatutako guztizkoaren aldean.

Lanaren eta lanbide jardueraren atxikipenen zenbatekoaren igoerak erakusten du enpleguaren bilakaera ona sendotu egin dela 2025. urtean zehar. 

Enpleguaren joera positiboari esker, kontzeptu horrengatik metatutako dirubilketa 1.192,1 milioi eurokoa izan da, hau da, aurreko urtean baino 78,1 milioi euro gehiago bildu dira guztira, hau da, % 7ko igoera izan da.

PFEZaren kuota diferentzialari dagokionez, 81,2 milioi euro itzuli dira guztira. Horrek esan nahi du aurreko urteko aldi berean baino 64,1 milioi euro gutxiago bildu dela. Mutualistei egindako aparteko itzulketak eragin handia izan du zenbateko horretan, aurreko urtean aurre egin izan behar baitzitzaion. Hau da, itzulketa garbiak % 44,1 murriztu dira.

SOZIETATEEN GAINEKO ZERGA: 272,4 milioi (-% 7,5)

Zerga horren bidez 272,4 milioi bildu ziren 2025ean, aurreko urtean baino 21,9 milioi gutxiago.

Zenbateko horrekin, aurreko urtean baino % 7,5 gutxiago bildu da sozietateen gaineko zergan.

ZEHARKAKO ZERGAK: 1.193,4 milioi euro (% +13)

Zeharkako zergen dirubilketak ia 137,3 milioi euroko igoera izan du.

Zeharkako tributazioa osatzen duten bi kontzeptu nagusiek dirubilketa metatuan egin duten ekarpenak eragina izan du zeharkako dirubilketak aurreko urtearekin alderatuta izan duen hazkundean, % 13 igo baita.

Hala, BEZak % 15,6ko igoera izan du, eta hidrokarburoen gaineko zergak % 6koa dirubilketa metatuan. 

Guztira, 1.193,4 milioi euro bildu dira. 

BEZa: 789 milioi euro (% +15,6)

Zerga honen dirubilketak hazkundearen bidetik markatutako bilakaerari eutsi dio ekitaldi honetan. 

Zerga horretan 789 milioi euro bildu dira guztira, iaz baino 106,3 milioi euro gehiago; beraz, % 15,6ko igoera erregistratu da 2024ko ekitaldiarekin alderatuta. Zerga horren hazkundea, neurri handi batean, hidrokarburoen iruzurragatik foru aldundien artean egiten diren BEZaren doikuntzek iaz izan zuten eragin negatiboa zuzentzearen ondorio da.

HIDROKARBUROAK: 237,7 milioi euro (% +6)

Zerga horren dirubilketan joera positiboa dago. Zehazki, aurreko urtean baino 13,5 milioi euro gehiago, hau da, 237,7 milioi euro zerga horren bidez bildutakoak, hau da, 2024an baino % 6 gehiago.