Eusko Jaurlaritzako Elikadura, Landa Garapen, Nekazaritza eta Arrantza Sailak Lehiatu programaren laguntzen deialdia ebatzi du. Programa horren helburua Euskadin nekazaritzako eta elikagaien produktuen eraldaketa eta merkaturatzean egiten diren inbertsioei laguntzea da. Ebazpenaren bidez, 17,48 milioi euroko laguntza publikoak onartu dira, eta horiek sektorean guztira 90,4 milioi euroko inbertsioa mobilizatzea ahalbidetuko dute; kopuru hori enpresek egingo duten inbertsio osoa izango da.

Sektore primarioari lotutako elikadura- eta eraldaketa-industriak gero eta pisu handiagoa hartzen jarraitzen du Euskadiko egitura ekonomikoan, bai balio erantsia sortzeko duen gaitasunagatik, bai enpleguan eta lurralde-orekan egiten duen ekarpenagatik. Testuinguru horretan, inbertsiorako laguntza publikoa funtsezko tresna gisa sendotzen da sektorearen lehiakortasuna eta landa-ingurunearekiko sustraitzea indartzeko.

Laguntzak NPBren Plan Estrategikoaren (PEPAC) barruan kokatzen dira, eta Euskadiko Gastronomia eta Elikaduraren Plan Estrategikoan (PEGA) jasotako konpromisoen parte dira. Plan horrek lehentasuntzat jotzen du enpresei inbertsio- eta eraldaketa-prozesuetan laguntzea, modernizazioa, jasangarritasuna eta produktuen tokiko eraldaketa sustatuz.

Elikadura, Landa Garapen, Nekazaritza eta Arrantzako sailburu Amaia Barredok azpimarratu duenez, “ekoizpen-inbertsioa laguntzea da PEGAren palanka nagusietako bat, Euskadin gero eta garrantzitsuagoa den elikadura-industria indartzeko”. Ildo horretan, gaineratu du “Lehiatu programako laguntzek gure produktuak hemen bertan eraldatzea ahalbidetzen dutela, balio erantsia sortuz eta landa-ingurunean kalitatezko enplegua sendotuz”.

%50etik hurbileko batez besteko laguntza-intentsitateak jaso dituzte; ETEek, berriz, %25–30 ingurukoak. Enpresa handien kasuan, inbertsio-bolumen handiagoko proiektuekin, batez besteko intentsitatea %14 ingurukoa da

Babestutako inbertsioek 150 lanpostu zuzen baino gehiago sortzea ahalbidetuko dute, eta laguntzak emateko irizpideek lehentasuna ematen diete, besteak beste, emakumeen presentziari sektorean, belaunaldi-erreleboari, gazteen txertatzeari, lurralde-orekari, tokiko lehengaien erabilerari, kooperatiba-ereduari eta jatorri-izendapena edo kalitate-figura duten produktuei.

Sektore-ikuspegitik, deialdiak enpresen tamainaren araberako tratamendu bereizia islatzen du, laguntzaren intentsitatea inbertsio-gaitasunera egokitzeko helburuarekin. Horrela, proiektu ugariren arduradun diren  mikroenpresek

BESTE DATU BATZUK

%50etik hurbileko batez besteko laguntza-intentsitateak jaso dituzte; ETEek, berriz, %25–30 ingurukoak. Enpresa handien kasuan, inbertsio-bolumen handiagoko proiektuekin, batez besteko intentsitatea %14 ingurukoa da, balio-katean duten trakzio-eginkizuna mantenduz.

Inbertsioaren zatirik handiena nekazaritzako eta elikagaien produktuen eraldaketa eta merkaturatzera bideratzen da (76,37 milioi euro), eta ondoren dator egurraren lehen eraldaketa (11,18 milioi euro). Horrez gain, ekoizpen ekologikoari eta nekazaritza-abeltzaintzako produktuen eraldaketari lotutako proiektuak ere badaude, ekoizpen-eredu dibertsifikatu eta jasangarria indartuz.

Guztira, 102 enpresa-proiektu babestu dira, eta horrek eskuragarri zeuden funtsak handitzea beharrezkoa egin du, ezarritako baldintzak betetzen zituzten eskaera guztiak artatu ahal izateko. Horrek berretsi egiten du sektoreak inbertsioa babesteko tresna honek pizten duen interes handia.

Ebazpen honen bidez, Eusko Jaurlaritzak hazten ari den, lehiakorra eta PEGAren helburuekin bat datorren nekazaritza-elikagaien eta baso-industriaren aldeko konpromisoa indartzen du, laguntza publikoak baliatuz inbertsio pribatua mobilizatzeko, enplegua sortzeko eta Euskadiko landa-garapena sendotzeko.