Euskaltel-Euskadik Taiwango Tourra jokatuko du igandetik

Euskaltel-Euskadi txirrindularitza taldeaTaiwango Tourrean lehiatuko da igandean hasita, martxoaren 15ean. Asiako itzuliamartxoaren 19ra arte jokatuko da, bost saio izango ditu, eta talde laranjak "hasieratik amaierara protagonista izatea bilatuko du".

Taldeko iturriek jakinarazi dutenez, Pablo Urtasunen zuzendaritzapean, Xabier Isasak, Jordi Lopezek, Paul Hennequinek eta Louis Suttonek osatuko dute multzoa; Xabier Berasategikazken orduko baja da, gaixorik dagoela. Euskal taldeakoroitzapen "bikainak" ditu proba honetan, iaz Hennequinek etapa garaipen bat lortu baitzuen, eta Jordi Lopez hirugarren izan baitzen sailkapen nagusian (2023an bigarren).

Lehiaketa mailaz haratago, txirrindulariakingurumen baldintza berezietara egokitu beharko dira. Martxoaren erdialdean, Taiwango eguraldia aldakorra da, 18° eta 26° arteko tenperaturekin. Halere, benetako erronka hezetasuna izango da, egun horietan %75 eta %85 artekoa izaten baita.

Pablo UrtasunEuskaltel-Euskadiko kirol zuzendariak azaldu duenez, "gure helburuak gorenak dira eta saiatuko gara lortzen errepidean: sailkapen nagusia borrokatzea eta etapa garaipenak bilatzea. Nahiz eta Berasategiren hutsunea garrantzitsua izan, duen abiaduragatik, Jordi Lopez txirrindulari sendoa eta fidagarria da. Gakoa bigarren etapan egongo da; bertan esprinterrak atzeratu behar ditugu. Paul Hennequinekin, berriz, saioak irabazten saiatuko gara; izan ere, iaz bat bereganatu zuen, baita bigarren eta hirugarren ere sailkatu zen", ondorioztatu dutenez bertatik.