ARABA
La piedra que trajo la paz a la frontera entre Álava y Bizkaia
Laboral Kutxa-Euskadik Frantziako Tourreko taldea iragarri du, Ostolaza eta Santesteban buru direla
Laboral Kutxa-Euskadi munduko talderik onenekin batera arituko da berriro nazioarteko emakumezkoen txirrindularitzako lasterketarik ospetsuenean
Laboral Kutxa-Euskadi taldeak bere bigarren Frantziako Tourrari ekingo dio jarraian uztailaren 26tik abuztuaren 3ra bitartean, iazko debutaren ondoren, eta irteeran izango diren zazpi txirrindulariak iragarri ditu, Usoa Ostolaza eta Ane Santesteban buru direla.
Bada, eusal txirrindularitza taldeak jakinarazi duenez, bi buruekin batera, Alice Arzuffi, Idoia Eraso, Catalina Soto, Alba Teruel eta Laura Tomasi izango dira Frantziako Tourrean, Ion Lazkanoren eta Peio Goikoetxearen kirol zuzendaritzapean.
Italiako Giroarekin alderatuta, Idoia Eraso, Catalina Soto eta Alba Teruel dira berritasunak; Ostolazak, Santestebanek, Sotok eta Tomasik, berriz, iaz ere jokatu zuten Frantziako Tourra.
Modu honetan, Laboral Kutxa-Euskadi munduko talderik onenekin batera arituko da berriro nazioarteko emakumezkoen txirrindularitzako lasterketarik ospetsuenean. Eraso -aurreneko aldiz-, Ostolaza eta Santesteban dira larunbateko irteeran izango diren hiru euskal txirrindulariak.
"Beraz, lehenengo etapatik borrokarako asmoarekin aterako gara. Zalantzarik gabe, gogotsu eta motibatuta gaude", gaineratu du taldeko arduradunak
Ion Lazkano Laboral Kutxa-Euskadiko arduradunak adierazi duenez, "larunbat honetan urteko erronkarik garrantzitsuena hasiko dugu, Frantziako Tourra, eszenatoki paragabea gure nortasuna erakusteko".
Horretarako, "talde benetan orekatua" aurkeztuko dutela ziurtatu du, eta helburu nagusia "protagonistak izatea" dela. Sailkapen nagusiari begira, aitortu du "agian oraindik tarte bat falta" zaiela onenen artean egoteko, baina, "gure nortasunaren eta lehiakortasunaren bitartez, gure maillota erakusteko aukerak" bilatuko dituztela ziurtatu du.
BALORAZIOA
"Beraz, lehenengo etapatik borrokarako asmoarekin aterako gara. Zalantzarik gabe, gogotsu eta motibatuta gaude", gaineratu du taldeko arduradunak.
Frantziako Tourraren bederatzi etapako ibilbideak 1.165 kilometro eta 17.240 metroko desnibela ditu. Bi etapa ordekan dira, esprintarako aproposenak, beste hiru gorabeheratsuak, bi mendi ertainakoak, eta bi menditsuak, Madeleine edota Joux Plane mendate handiekin. Aurten ez dago erlojupekorik.