SOCIEDAD
Un argelino residente en Vitoria, entre los expulsados por yihadismo en 2024
'Kilo bat gehiago, kilo bat gutxiago' kanpaina solidarioak 644 kilo jaki lortu ditu Arabako Elikagai Bankuarentzat
Gasteizko gizarte etxeen sareko kirol instalazioek eta hiru liburutegik 'Kilo bat gehiago, kilo bat gutxiago' kanpaina solidarioarekin bat egin dute Gabonetan, eta, horri esker, Arabako Elikagaien Bankuarentzat 644 kilo janari biltzea lortu da. Erakundea "oso pozik" agertu da baliabideak emateko bide berriarekin.
Gasteizko Udaleko iturriek jakinarazi dutenez, kanpainaren lehen edizioa iaz egin zen Judimendiko eta Aranako kirol instalazioetan. Oraingoan, ekimena gizarte etxeen sareko kirol esparru osora zabaldu da, eta Judimendi, Arana eta Hegoaldeko liburutegiak ere gehitu dira.
Arabako Elikagaien Bankua "pozik" agertu da tona erdi elikagai baino gehiago iritsi direlako bide berri batetik. Bere balorazioaren arabera, garrantzitsuena kontzientziazio lana da, batez ere haur eta gazteen artean.
Iaz, 'Kilo bat gehiago, kilo bat gutxiago' kanpainaren lehen edizioan 144 pertsonak parte hartu eta 167 kilo janariko dohaintza egin zuten (bi auzotan bakarrik egin zen).
Bestalde, Gasteizko Eraldaketa Energetikorako Bulegoak jardunaldi bat antolatu du ostegunerako, urtarrilaren 16rako, energia komunitateak eratzeko eta eguzki energia fotovoltaikoko instalazioak jartzeko udal diru laguntzen berri emateko, Aldabe gizarte etxeko ekitaldi aretoan, 18:00etan.
Gasteizko Udaleko iturriek jakinarazi dutenez, diru laguntzok eskatzeko oinarriak 2024ko abenduaren 2an argitaratu ziren Arabako Lurralde Historikoaren Aldizkari Ofizialean (ALHAO).
Denera 600.000 euro banatuko dira, Gasteizen energia komunitateen eraketa eta kudeaketa bultzatzeko eta, komunitate horiei lotuta, eguzki energia fotovoltaikoko instalazioetan inbertitzeko, autokontsumo kolektiboko erregimenean.
Energia komunitateak sortzeko, horiei bultzada emateko edo panel fotovoltaikoak jartzeko baliatuko dira laguntzak. Jaso daitekeen diru laguntzaren zenbatekoari dagokionez, energia komunitate berriek 70.000 eurorainoko laguntza jaso lezakete horiek abian jartzeko.