Atzerrian lan egiteko beka bat eskatu nahi zenuke?

Gasteizko Udalak, Garapen Agentzien Euskal Elkarteko bazkide den aldetik, atzerrian lan egiteko  80 beka berri eskaintzen ditu, hilean 1.635 euroko soldatarekin (gordinak). Bekak hauek 30 urte baino gutxiago eta Unibertsitate-titulazioa edo Goi-mailako Lanbide Heziketako Titulua duten gazteei zuzenduta daude.

Global Training Nazioarteko mugikortasun programak aukera ematen dizu profesionalki prestatzeko atzerrian, ordaindutako praktikak eginez zure profil akademiko eta profesionalarekin zerikusia duten enpresa edo erakundeetan, gutxienez 6 hilez.

"Esperientzia paregabe honetan parte hartzera gonbidatzen zaitugu. Ezagutu deialdiaren baldintzak eta animatu parte hartzera!", azpimarratzen dute Gasteizko Udaletik.

Izena emateko behar den dokumentazioa eta programaren oinarriak kontsulta ditzakezu, edo izena emateko prozesuan sartu, helbide honetan:

becasglobaltraining.eus

Epea irailaren 22an amaituko da. "Ez utzi aukera hau pasatzen!", dio Udalak.

Garapen, Garapen Agentzien Euskal Elkarteak eta Donostiako Sustapenak, Garapen Agentziak eta Donostiako Sustapen Ekonomikoko Sailak Global Training 2023 nazioarteko mugikortasunaren edizio berri bat abiarazi dute. Programa hau SPRI-Enpresen Garapenerako Euskal Agentziaren, Basque Trade & Investment-en (Nazioartekotzeko Euskal Agentzia) eta Eusko Jaurlaritzaren ekimena da.

Beken programa horrek merkatuan eta unibertsitateko eta goi-mailako lanbide-heziketako titulazioa duten gazteen eskura jartzen du atzerriko enpresetan eta erakundeetan ordaindutako praktikak egitea ahalbidetzen duen mekanismo indartsu bat, haien profil akademikoarekin eta profesionalarekin lotutako jardueretan eta proiektuetan, gutxienez 6 hilabetez.