Kanpamentu, udaleku, ibilaldi ibiltari eta auzolandegien dirulaguntza argitaratu da

ALHAOk kanpamentu, udaleku, ibilaldi ibiltari eta auzolandegietarako 2023ko deialdia argitaratu du, guztira 75.000 euroko zenbatekoaz (beste 10.000 euro ere eman daitezke). Eskaerak bidaltzeko epea maiatzaren 31an amaituko da,gaur bertan Arabako Foru Aldundiak jakinarazi duenez hedabideei helarazitako prentsa-ohar baten bitartez.

Hala, eta ildo horretatik jarraituz, deialdiaren xedea da dirulaguntzak ematea norgehiagoka bidez, "Arabako haur eta gazteek parte hartzen duten udalekuak, kanpamentuak, ibilaldi ibiltariak eta auzolandegiak antolatzen laguntzeko", bertako kideek azpimarratu dutenez.

Aire zabaleko jarduerak dira, ingurune naturalean edo gune irekietan egiten direnak, aisialdiko hezkuntzaren kontzeptuaren barruan. Aisialdiko hezkuntza pertsonak prestatzen ahalegindu behar da, jakin dezaten nola erabili beren denbora librea modu positiboan. Aisialdia espazio pribilegiatua da bat-batean berreskuratzeko gizatiarra eta kulturazkoa den hori, jolasaren, ikuskizunaren eta abarren bidez; beraz, aisialdian pertsonaren heltze hazkundea ahalbidetuko duen prozesu integral bat izango da aisialdiko hezkuntza, pertsona hori bere buruarekin berrelkartzea eta bizitoki duen ingurumenarekin sakonago errotzea ahalbidetuz, bizikidetzaren ondorioz sortzen diren balio hauek sustatuz edo aurkituz: berdintasuna, elkartasuna, tolerantzia, sormena, etab.

Gazte elkarteak, aisialdiko elkarteak eta haiek koordinatzen dituzten eta irabazteko xederik gabe eratuta dauden federazioak dira onuradunak.