Santa Ageda egunaren bezperan -otsailaren 4ko arratsaldean, tradizioari jarraituz- parte hartzeko izena emateko epea ireki zuen atzo Gasteizko Udalak.
Horrela, “makilakaden erritmoak lagunduta santuaren martirioren eta heriotzaren ohorezko koplak kantatzen hiriko kaleetan ibili nahi duten abesbatzek izena eman ahalko dute otsailaren 3ko 12:00ak baino lehen”, gogorarazi zuten Udaleko iturriek.
Herritarrek zenbait bide dituzte izena emateko: Udalaren webgunean, gizarte-etxeetako autotramitazio-guneetan, Herritarrei laguntzeko bulegoak (hitzordua bitarte), eta telefonoz (010 edo 945 16 11 00 zenbakietan), hain zuzen ere. Pertsona partaideek opari txiki bat jasoko dute, tradizio honetan parte hartzearen oroigarri.
