Pertsonen integrazioa sustatzeko lanean

- Itxaropena elkarteak 270 bazkide ditu guztira, eta horietatik 172k ikusmen-patologiak dituzte; 97 erreferentziazko senideak dira (adingabeen gurasoak edo elkartekideen seme-alabak) eta elkartekide laguntzaile bat. Helburu nagusia da ikusmen-urritasun larria duten pertsonen familia, gizarte, eskola eta lan integrazioa sustatzea, ikusmen-urritasuna duten pertsonak dituzten familiei edo desgaitasuna duten banakako pertsonei arreta emanez.

"Ez da lan erraza, baina pozgarria da; izan ere, jende asko etor-tzen da gugana galduta dagoenean, eta ulertzen eta orientatzen dakien jendea behar dute. Esker oneko pertsonak dira, gainera, eta behar duten guztian lagun-tzen diegu" azaldu dute elkarteko koordinatzaile Estibaliz Miñanak eta Itziar Ochoa de Aspuruk. Hain zuzen ere, elkarteak elkartearen helburuak betetzeko behar diren zerbitzuak eta jarduerak eskaintzen eta kudeatzen ditu, kideak bizitzako maila guztietan integratzen lagunduz. Lan horri esker, elkarte hori erreferente bihurtu da Araban; izan ere, ikusmen-desgaitasuna duten pertsonek, %33tik aurrera, beren bizitza eta gizarteratzea hobe-tzeko laguntza-beharrak ase di-tzakete. "Autonomia ematen saiatzen gara, aurrera egiten ikas dezaten", aitortu dute. Lan honetarako, elkarte honek zerbitzuen katalogo zabala eskaintzen du, oinarrizko zerbitzuak, zerbitzu espezifikoak eta jarduera sorta zabala, hain zuzen ere.

Zerbitzuen artean, adibidez, ebaluazio-zerbitzua dago. Horren bidez, pertsona bakoitzaren ezaugarriak eta beharrak ezagutu eta detektatu nahi dira eremu guztietan. Orientazio-zerbitzu bat ere eskaintzen dute, laguntza psikosozialarekin eta enplegua bilatzearekin. Izan ere, Itxaropena Aldundiarekin batera ari da lanean, lehenik diru-laguntzen bidez, eta, gero, 2008az geroztik, hitzarmen bidez, enplegu lagunduarekin. Gainera, elkarteak enplegurako orientazio-zerbitzua eskaini nahi du, enpresei orientabide teknikoetan orientatzeko eta eskatzaileei laguntzeko.