Síguenos en redes sociales:

Martxoaren 3ko justiziaren aldeko urratsa

Bertan behera utzi dute krimen frankisten oztopoak jartzen zizkion Madrigalen agindua

- E. F. D.

20·08·20 | 04:00 | Actualizado a las 21:51

- Dolores Delgado Estatuko fiskal nagusiak indarrik gabe utzi du Consuelo Madrigal karguaren aurrekoak 2016ko irailean sinatutako agindu bat, 1976 eta 1978 bitartean krimen frankistengatik Argentinan irekitako auziarekin lotutako erreguzko komisioen tramitazioaren aurka egiteko eskatu baitzion Madrilgo fiskalburuari, Europa Press albiste agentziari baieztatu diotenez.

Egin daitezkeen eginbideen aurka ez egiteko Fiskaltzak hartutako erabakiak garrantzia izan dezake Maria Servini Argentinako Errepublikako 1. Epaitegi Kriminal eta Korrekzional Federaleko titularrak auzi honetan egindako azken zitazioari begira; irailaren 3rako ezarri du Rodolfo Martin Villa ministro ohiaren galdeketa, bide telematikoz, prozesu honetan inputatuta baitago.

Izan ere, erregimen frankistaren ustezko krimenetan Martin Villak izan zitzakeen erantzukizunak zehaztu nahi ditu Servinik; besteak beste, 1976ko martxoaren 3ko sarraskian bost pertsona hil ziren eta ehundik gora zauritu, Polizia Armatuak Gasteizen egiten ari ziren langile-protestan parte hartu zutenen aurka egindako tiroen ondorioz.