Mercadonak 1.000 miloi euro bideratu ditu bere langileen erosteko ahalmena eta lanaldia hobetzera

Mercadonak 1.000 milioi euro bideratu ditu bere langileen erosteko ahalmena hobetzera ekimen desberdinen bidez, besteak beste, aldagai bat banatzea helburuak lortzearen prima gisa. Horrela, bada, lortutako irabazietatik 780 milioi euro partekatu dira 112.000 langilerekin baino gehiagorekin asteazken honetan.

Langileen prima eta soldata-igoerak

Zehazki, konpainiak jakinarazi duenez, bi prima jaso dituzte enpresan lau urte baino gutxiago daramatzaten pertsonek, eta hiru hileko soldata banatu zaie antzinatasun hori gainditzen dutenei, hau da, langileen %70 ingururi. Horrela, 7.250 euro garbi jaso dituzte asteazken honetan, hileko soldata eta 5.400 euro aldagai gisa.

Era berean, soldata ere igo da KPIren igoera konpentsatzeko; igoera hori %2,9koa da Espainiako Estatuan eta %2,2koa Portugalen, eta urtean 125 milioi euro bideratuko dira horretara. Gainera, pasa den abenduan lanaldia hobetu zen oporraldia astebete luzatuz, eta, 30 egun izatetik, 37 egun izatera pasatuz. Neurri hori ekitaldi honetan sartuko da indarrean Espainiako Estatuan eta Portugalen, langileen lanaldirako onura handia izango da eta 100 milioi euroko kostua izango du urtean.

Ekimen horiek guztiek aurrera eramateko Mercadonak 1.000 milioi euro baino gehiagoko ahalegina egin behar badu ere, bere kudeaketa ereduak "langilearen gogobetetzean inbertitzen duela eta gogobetetze horren aldeko apustua egiten duela berresten du, konpainiak badakielako langileak direla konpainiaren arrakastaren arduradun nagusiak eta aktiborik handienak 'Nagusientzat' (bezeroak).

"Egia esan, langileen konpromisoari esker, konpainiak ekoizpena eta kudeaketa areagotu ditu 2025ean, eta inoizko daturik onenak lortu ditu errentagarritasunean eta merkatuaren kuotan. Datu horiek berresten dutenez, zenbat eta gehiago inbertitu pertsonetan, orduan eta gehiago lortzen da trukean", nabarmendu du.