Larunbatean zerua lainotuta eta prezipitazioa espero da

Larunbatean zerua lainotuta egongo da eta prezipitazioa espero dugu. Egunaren lehen partean euria egiteko probabilitatea handiagoa izango da iparraldean, eta arratsaldetik aurrera, aldiz, hegoaldean.

Dena den, arratsaldetik aurrera prezipitazioa geroz eta urriagoa izango da, Euskalmeten iragarpenen arabera.

Orduek aurrera egin ahala aire oso hotza sartuko da, arratsaldetik aurrera nabarituko da gehienbat, eta ez da baztertzen gauean 500-600 m inguruan elur maluta batzuk ikus daitezkeenik; orduan neurtuko dira eguneko tenperatura minimoak. Haizeak ipar-ekialdetik joko du.

BALORAZIOA

"Zerua oso hodeitsu egongo da. Egunaren lehen partean prezipitazio txiki-ertaina egingo du, bereziki Kantauri isurialdean; egunaren bigarren partean prezipitazio txikia egingo du, bereziki Mediterraneo isurialdean".

Hala, eta ildo horretatik jarraituz, elur-kota jaisten joango da eta erdialdeko orduetan 1000 m inguruan egon daiteke; gauean 700 m-ra egon daiteke, ekialdean apur bat beherago. Eki/iparekialdeko haize ahul-bizia ibiliko da, bolada gogorrekin kostaldean; arratsaldean ipar-ekialdekoa nagusitu eta indartu egingo da. Tenperatura minimoak gutxi edo nahikoa jaitsiko dira kostaldean eta aldaketarik ez edo gutxi jaitsiko dira Mediterraneo isurialdean; egunaren amaieran neurtuko dira.

Tenperatura maximoak gutxi edo nahikoa jaitsiko dira. Arratsalde-gauean mendi inguruetan izotz txikia egingo du. Gauean Arabako zenbait tokitan izotz txikia egin dezake, ondorioztatu dute Euskalmetetik prentsa ohar baten bitartez.