Hodeitza aldakorra igande honetan

Euskalmet euskal meteorologia agentziaren iragarpenaren arabera, igande honetan, azaroaren 2an, hodeitza aldakorra izango dugu. Goizean goi-hodeiak izango dira nagusi eta saretuago egongo da, eta egunaren bigarren partean hodei trinkoagoak agertuko dira eta euria egingo du noizbehinka, batez ere ipar-ekialdean. Mendebaldeko haizea; arratsaldean ipar-mendebaldekoa izango da nagusi eta kostaldean eta Ebro bailaran bizi ibiliko da.

Tenperatura maximoak 20 gradutik azpikoak izango dira orokorrean; hegoaldekoak 15 edo 16 graduren bueltan egongo dira, iparraldekoak 17 edo 18 gradu ingurukoak izango dira. Hiriburuetan, Baionan 12 gradu espero dira gutxienez eta 18 gehienez, Bilbon 12 gutxienez eta 19 gehienez, Donostian 11 gutxienez eta 18 gehienez, Gasteizen 7 gutxienez eta 16 gehienez eta Iruñean 9 gutxienez eta 15 gehienez.

BESTE DATU BATZUK

Hala, eta ildo horretatik jarraituz, Euskalmetetik azpimarratu duten bezala, itsasbazterrean mendebal-osagaiko haizea ibiliko da, 3-4ko indarrarekin, eta egunaren bigarren zatian zakartu eta 4-5ekoa izango du; itsaskirria edo itsaskia eragingo du, itsaskiko guneekin egunaren bigarren zatian. Ipar-mendebaldeko hondoko itsasoak 1,5 metro inguruko olatuak altxatuko ditu, eta arratsaldean 2,5-3 metrokoak. Itsasgorak 01:45ean eta 13:59an izango dira, eta itsasbehereak 07:41ean eta 20:07an.

Uraren tenperatura 18 gradukoa da eta ikuspena lau eta hamar kilometro artekoa izango da, ondorioztatu dute azkenik Euskalmetetik egindako prentsa ohar baten bitartez.