Hodei ugari eta euri apur bat asteazkenean

Euskalmet euskal meteorologia agentziaren iragarpenaren arabera, asteazkenean, urriaren 29an, hodei ugari izango dugu eta euri pixka bat egingo du, batez ere barnealdean. Eguraldia ezegonkortu egingo da eta ez da baztertzen zaparradaren bat edo beste egitea, hala ere, orokorrean, ez da espero asko pilatzea. Hegoaldeko haizea nagusituko da.

Tenperatura minimoak igo egingo dira, hots, gaua epelagoa izango da, eta egunez maximoak 20 gradu ingurukoak izango dira, batez ere Kantauri isurialdean. Hiriburuetan, Baionan 12 gradu espero dira gutxienez eta 22 gehienez, Bilbon 13 gutxienez eta 21 gehienez, Donostian 12 gutxienez eta 20 gehienez, Gasteizen 8 gutxienez eta 17 gehienez eta Iruñean 9 gutxienez eta 17 gehienez.

Itsasbazterrean hego-osagaiko haizea ibiliko da, 3-4ko indarrarekin, eta itsaso kizkurra eragingo du; arratsaldean mendebal/ipar-mendebaldera aldatuko du, 3ko indarrarekin, eta itsaskirria eragingo du. Ipar-mendebaldeko hondoko itsasoak metro bateko inguruko olatuak altxatuko ditu eta gauean 1-1,5 metrokoak. Itsasgorak 09:16an eta 22:11n izango dira, eta itsasbehereak 02:52an eta 15:45ean. Uraren tenperatura 18 gradukoa da eta ikuspena hamar kilometrotik gorakoa izango da.

BALORAZIOA

"Zerua hodeitsu edo oso hodeitsu egongo da; arratsaldean hodeiak gutxitu egingo dira eta zerua tarteka hodeitsu geratuko da. Zaparrada txikiak egingo ditu noizbehinka, bereziki barnealdean. Hego-osagaiko haize bizia ibiliko da, bolada gogorrekin, eta oso gogor batzuekin ekialdeko haizeguneetan. Eguerdian haizeak ipar-osagaira egin eta indarra galduko du. Gauean haizea aldakor ibiliko da. Tenperatura minimoak nahikoa edo nabarmen igoko dira. Tenperatura maximoak gutxi edo nahikoa jaitsiko dira", ondorioztatu dute.