Eguraldia: aldaketa handirik ez ostegunean

Euskalmet euskal meteorologia agentziaren iragarpenaren arabera, ostegunean, irailaren 25ean, ez da aldaketa handirik espero, nahiz eta baliteke tenperatura maximoek apur bat gora egitea. Kantauri isurialdean hodeiak nagusituko dira, batez ere goizean, eta noizbehinka euria egingo du. Mediterraneo isurialdean eguna argiagoa izango da, nahiz eta goizaldean behe-lainoa sortuko den.

Haizea goizean bare egongo da eta arratsaldean iparraldetik finkatuko da eta bizi ibiliko da barnealdean. Tenperatura maximoek zertxobait egingo dute gora, 20 gradu ingurura hurbilduz. Hiriburuetan, Baionan 12 gradu espero dira gutxienez eta 18 gehienez, Bilbon 11 gutxienez eta 20 gehienez, Donostian 10 gutxienez eta 17 gehienez, Gasteizen 6 gutxienez eta 17 gehienez eta Iruñean 6 gutxienez eta 17 gehienez.

Itsasbazterrean mendebal-osagaiko haizea ibiliko da 2-3ko indarrarekin, eta egunaren erdiko orduetan ipar-osagaira aldatuko da; itsaso kizkurra eragingo du, itsaskirriko guneekin. Iparraldeko hondoko itsasoak 0,5 metroko olatuak altxatuko ditu. Itsasgorak 07:11n eta 19:25ean izango dira, eta itsasbehereak 01:36an eta 13:18an. Uraren tenperatura 20 gradukoa da eta ikuspena hamar kilometrotik gorakoa izango da.

BALORAZIOA

Hala, Euskalmetetik azpimarratu dutenez,  "goizean lanbroa eta lainoa sortuko dira". "Zerua tarteka hodeitsu egongo da, behe-hodeiak nagusituko dira eta ugariagoak izango dira Kantauri isurialdean. Kantauri isurialdean zaparrada txikiak egingo ditu noizbehinka, bereziki kostaldean eta ipar-ekialdean. Norabide aldakorreko haize ahula ibiliko da, mendebal-osagaia nagusituz; eguerdi inguruan ipar-osagaira aldatuko da, tarte biziekin. Tenperatura minimoetan aldaketarik ez eta maximoetan aldaketarik ez edo gutxi igoko dira, bereziki barnealdean".