EGOkITU udako campusa antolatu dute EHUk eta Gipuzkoako Aldundiak

EHU Euskal Herriko Unibertsitateko Gipuzkoako campusak EGOkITU udako campusa antolatu du Gipuzkoako Foru Aldundiarekin lankidetzan, eta udan irekiko ditu ateak, bi txandatan banatuta, ekainaren 23tik 27ra eta ekainaren 30etik uztailaren 4ra, hain zuzen ere.

EGOkITU udako campusean 200 bat gaztek parte hartzen dute urtero eta "arrakasta handia" izan du edizioz edizio. 15-17 urteko gazteak unibertsitate mundura eta, ondorioz, enpresa mundura modu ludikoan hurbiltzea du helburu

EHUko iturriek adierazi dutenez, EGOkITU udako campusean 200 bat gaztek parte hartzen dute urtero eta "arrakasta handia" izan du edizioz edizio. 15-17 urteko gazteak unibertsitate mundura eta, ondorioz, enpresa mundura modu ludikoan hurbiltzea du helburu.

Aurten, berrikuntza gisa, logopedia ere aukeratu ahal izango dute

Azken edizioan bezala, aurten ere EGOkITUk bederatzi ikastaro eskainiko ditu EHUko Gipuzkoako campuseko hainbat ikastegietan, eta horrela, parte hartzaileek jarduera teknologikoak, sanitarioak edo sozialak aukeratu ahal izango dituzte unibertsitatea eta bere irakasle ikertzaileak gertutik ezagutzeko. Aurten, berrikuntza gisa, logopedia ere aukeratu ahal izango dute.

EGOkITU programa 2008an eta 2010ean artean jaiotako pertsonei zuzenduta dago. Bi txanda antolatu dira: ekainaren 23tik 27ra eta ekainaren 30etik uztailaren 4ra, 09:30etik 14:00etara (aste bat edo bi aste aukera daitezke). Izena emateko epea maiatzaren 16an amaituko da eta plazak hurrenkeraren arabera esleituko dira, ondorioztatu dute bertatik.