Zer eguraldia egingo du gaur Gasteizen?

Hala, goizaldean eta goizean goiz zerua hodei gutxirekin egongo da, goi-hodeiekin. Egunaren erdiko orduetan hodeiak ugarituz joango dira eta arratsalde-gau partean zerua hodeitsu edo oso hodeitsu egongo da. "Egunaren bigarren partean zaparrada txikiak botako ditu noizbehinka, zenbait lekutan ertainak. Hegoaldeko edo hegomendebaldeko haize ahul-bizia ibiliko da, bolada gogorrekin eta oso gogor batzuekin, batez ere haizeguneetan. Tenperaturan aldaketarik ez edo gutxi igoko da", azpimarratu dute.

Bihar ere goizaldean eta goizean goiz zerua hodeitsu egongo da eta zaparrada txikiak botako ditu, noizbehinka ertainak. Goizean hodeiak gutxitu egingo dira eta zerua tarteka hodeitsu geratuko da, bereziki Kantauri isurialdean. Hego-osagaiko haize ahul-bizia ibiliko da, bolada gogorrekin; arratsaldean haizea baretu egingo da eta baliteke kostaldean ipar-osagaira aldatzea eta ahul ibiltzea. Tenperatura gutxi edo nahikoa igoko da, azpimarratu dutenez.

Ostegunean, aldiz, zerua hodei gutxirekin egongo da, goi-hodeien tarte hodeitsu batzuekin. Hego-osagaiko haize ahul-bizia ibiliko da, bolada gogorrekin, eta oso gogor batzuekin haizeguneetan. Tenperatura gutxi edo nahikoa igoko da.

Azkenik, aste honen amaieran, Euskalmeten iragarpenen arabera, zerua tarteka hodeitsu egongo da, erdi mailako hodeiak eta goi-hodeiak nagusituz. Hego-osagaiko haizea ahul-bizi ibiliko da, bolada gogorrekin haizeguneetan. Tenperatura gutxi edo nahikoa igoko da.