Giro hotza eta zaparrada batzuk asteartean

Euskalmet euskal meteorologia agentziaren iragarpenaren arabera, asteartean, martxoaren 26an, giro hotza nagusituko da eta zaparrada batzuk botako ditu. Prezipitazio gehien goizaldean espero dugu; orduak zaparradak edonon botako ditu eta goizean goizetik mardulak izan daitezke ekialdean. Goizak aurrera egin ahala bustitzeko probabilitatea txikiagoa izango da eta egunaren bigarren partean zaparradak noizbehinka soilik botako ditu. Oso litekeena da 1.000 metrotik behera elurra egitea eta ez da baztertzen elur maila 800 metro inguruan egotea.

Tenperaturak behera egingo du, eta mendebaldeko haizea nagusituko da. Hiriburuetan, Baionan 6 gradu espero dira gutxienez eta 12 gehienez, Bilbon 5 gutxienez eta 13 gehienez, Donostian 5 gutxienez eta 12 gehienez, Gasteizen 1 gutxienez eta 10 gehienez, eta Iruñean 1 gutxienez eta 9 gehienez.

Itsasoan mendebal-osagaiko haizea ibiliko da 3ko indarrarekin eta goizaldean eta gauean 4-5eko tarteekin, eta itsaskirria eragingo du, itsaski edo itsaski handiko guneekin goizaldean eta gauean. Ipar-mendebaldeko hondoko itsasoak 1-1,5 metroko olatuak altxatuko ditu, eta egunaren bigarren partean 2 metro ingurukoak. Trumoi ekaitzak izan daitezke eta txingorra egin dezake. Itsasgorak 05:13an eta 17:28an izango dira, eta itsasbehereak 11:22an eta 23:30ean. Uraren tenperatura 13 gradukoa da eta ikuspena lau eta hamar kilometro artekoa izango da.

Hala, Euskalmeten arabera, gaur "zerua oso hodeitsu edo estalita egongo da; eguerdi inguruan hodeiak gutxituko dira eta egunaren bigarren partean zerua tarteka hodeitsu geratuko da. Goizaldean eta goizean goiz prezipitazio txiki-ertaina egingo du; egunaren bigarren partean zaparradak botako ditu han-hemenka eta noizbehinka, eta baliteke trumoi-ekaitzak izatea eta txingorra botatzea. Goizaldean eta goizean goiz elur-kota 600-800 m-ra egon daiteke, bereziki ekialdean; goizean igotzen joango da, eta egunaren bigarren partean 1000 m inguruan egongo da. Mendebal-osagaiko haize ahul-bizia ibiliko da, bolada gogor batzuekin haizeguneetan, goizaldean kostaldean bereziki. Tenperatura minimoetan aldaketarik ez edo gutxi jaitsiko dira eta maximoak nahikoa edo nabarmen jaitsiko dira. Mendi inguruetan izotz txikia egin dezake".