Ekainaren 1ean egingo da "OTSO vi half Gasteiz" probaren III. edizioa

Aste honetan aurkeztu da III. OTSO vi half Gasteiz, Arabako lurraldeko half triatloia.

Honako hauek aurkeztu dute: Ana del Val Kultura eta Kirol Saileko diputatuak, Ana López de Uralde Kiroleko, Osasuneko eta Garapenerako Lankidetzako zinegotziak, Daniel Solana Basquetour-eko zuzendariak, Arantxa Ibañez de Opacua Vital Fundazioko zuzendariak eta Alain Fontecha probaren zuzendariak.

1,9 km igeri, 90 km bizikletaz eta 21 km korrika egin beharko dituzte, eta izena emateko epea irekita dago dagoeneko. PTOko nazioarteko egutegian sartuta dago proba hori, eta puntuagarria da distantzia ertain eta luzeko triatloiaren ranking nazionalerako, eta Distantzia Ertaineko Triatloiaren Arabako Txapelketaren egoitzara ere bada.

Argibide gehiago, erantsitako dosierrean eta www.vihalfgasteiz.com webgunean.

Bestalde, aste honetan aurkeztu dute Labastida. Esplendor de una villa alavesa y de sus principales familias cosecheras durante los siglos XVII y XVIII liburua.

Alfonso de Otazu Llana, Juan Vidal-Abarca López eta Igor Basterretxea Kerexeta dira idazleak, eta lurraldeko liburu denden zirkuituan eskuragarri dago jadanik.

Ana del Val Kultura eta Kirol Saileko foru diputatuak, Daniel García Bastidako alkateak eta egileetako bik aurkeztu dute gaur.

Ikerketa hori lan dokumental sakon batean oinarritzen da. Lan horretan, hiru egileak prozesu historiko konplexuetara hurbildu dira, eta, inolako arrandia teorikorik gabe, jende jakin baten istorioak azaldu dituzte, bai eta, nola ez, Aro Modernoan, giza komunitate horiek osatu zituzten familien istorioak ere.

Gainera, bi aurkezpen hitzaldi antolatu dira, bata udalerrian bertan, martxoaren 30ean, 11:30etan, eta, bestea, Kultura Etxean, apirilaren 8ean, 19:00etan.