Nerea Melgosak Gasteizko Estibalizko Santutegiaren balioa eta esanahia azpimarratu ditu

Eusko Jaurlaritzako Berdintasun, Justizia eta Gizarte Politiketako Sailburu Nerea Melgosak Gasteizko Estibalizko Andre Mariaren Santutegiaren eta Monasterioaren balioa eta esanahia nabarmendu ditu: “beneditarren dedikazioari eta konpromisoari esker, Arabako eta Euskal Herriko kulturaren eta espiritualtasunaren erreferentea da. Mantendu egin behar dugu, eta etorkizuneko belaunaldiei helarazi. Estibaliz gure historiaren eta ohituren parte da”.

Ramiro González Arabako Ahaldun Nagusiarekin, Pedro Elosegi Batzar Nagusietako presidentearekin, Gorka Urtaran alkatearekin, Juan Carlos Elizalde gotzainarekin eta Estibalizko Administrazio Batzorde eta Erdi Aroko Arabako ordezkariekin batera, Nerea Melgosa Santutegian egindako mezan izan da. Bertan abestu dute Gasteizko Haritz Hostoa abesbatzak eta A Coruña´ko Canta Compaña abesbatzak, Arturo Gonzalez de Lopidana´ren zuzendaritzapean.

Era berean, Melgosa sailburuak Estibalizko santutegiko jai-eremua zeharkatu du, eta bertan, Deslaidoen 4. Azokaren barruan. Inguruko zelaietan egin dira Aire zabaleko irudi azkarraren XXVIII. Lehiaketa, haurrentzako hainbat tailer, Arabako lursagarraz egindako Boilurrek antolatutako XXIX. Sukaldaritza Lehiaketa, "Comilitium Sacrae Ensis" Kluba delakoaren esgrima erakusketa, eta haurrentzako bisita kulturala: "El Misterio de los Canecillos", Erdi Aroko Arabak antolatua.

Melgosak aizkolari txapelketa ezberdinak ikusi ditu; harri-jasotzea emakumezkoetan; XXX. Euskadiko Aurresku eta Dantza solteko txapelketa. Bazkari herrikoian, haragi gisatuko 1.500 anoa banatu dira patatekin.

Deslaidoen Azokaren 4. edizioa Araba Erdi Aro-Erdi Aroko Arabak antolatu du, Gasteizko Elizbarrutiaren laguntzarekin, Vital Fundazioaren eta Udaparen babesarekin. "Dokumentuetan jasota dago XII. mendean eskualdeko merkatu garrantzitsu bat egin zela, eta merkatu horren une nagusia maiatzaren 1a zela, egun horretan egiten baitziren Jainkoaren Epaiketak edo Deslaidoak".