Zein ikerlan saritu ditu Mintzolak?

Odei Guiradoren Babes-sistema, haurrak eta eguneroko mintzamoldea. Harreman-mundu bat euskaratik eta euskaraz harilkatzeko ikerketa aplikatua eta Fernando Oiartzunen Leitzako hitanoa: corpusa osatzeko eta erabilera berpizteko saiakera ikerketa lanak saritu ditu Mintzolak.

Euskaltzaindiak jakinarazi duenez, euskaraz egiten den ahozko jardunari buruzko bi ikerketa lan saritzeko deialdia argitaratu zuen martxoan Mintzola proiektuaren bidez.

Hala, eta ildo horretatik jarraituz, akademiaren arabera," ikertzaile gaztea edo hasiberria doktorego tesiraino eramango duen ibilbidean, aurreko erabakiak eta urratsak ere garrantzitsuak dira", eta, hortaz, deialdiaren helburuak bi dira: batetik, bide horretan laguntzea eta, bestetik, unibertsitateko edozein jakintza alorretatik abiatuta, euskaraz egiten den ahozko jarduna ikergai gisa sustatzea, azpimarratu dute bertatik prentsa-ohar baten bitartez.

SARIA

Denera, hiru lan aurkeztu dira deialdira, eta epaimahaiak hurrengo bi hauek hautatu ditu: 'Babes-sistema, haurrak eta eguneroko mintzamoldea. Harreman-mundu bat euskaratik eta euskaraz harilkatzeko ikerketa aplikatua, Odei Guirado Irasuegirena, eta 'Leitzako hitanoa: corpusa osatzeko eta erabilera berpizteko saiakera', Fernando Oiartzun Sagastibeltzarena.

Azkenik, uda honetan bertatik azpimarratu zutenez, hautatutako proiektu bakoitzak 3.000 euro gordin jasoko ditu, eta egileek 2026ko otsailaren 27ra bitarteko epea izango dute lana ondu eta aurkezteko, ondorioztatu zuten prentsa ohar baten bitartez.