Gaztelugatxera bisita gidatuak eskaintzen hasiko da ostiralean Bermeoko Udala

Bermeoko Udalak (Bizkaia) Gaztelugatxeko San Juanera joango den autobus zerbitzua eta bisita gidatuak antolatu ditu, Turismo Bulegoaren bitartez, eta ostiralean hasiko dira, uztailaren 4tik. Abuztuaren 28ra bitartean izango dira bisitak, uztaileko igandeetan izan ezik.

Bermeoko Udaletik jakinarazi dutenez, ekimenak hiru helburu nagusi ditu: garraio publikoa sustatzea CO2 emisioak murrizteko eta aparkatzeko arazorik ez izateko, bisitariak Bermeora erakartzea, eta Gaztelugatxeko balio naturalak eta historikoak zeintzuk diren bertatik bertara ikustea.

Horrela, eskaintzak barne hartuko du Bermeotik Gaztelugatxera joan-etorria autobusez, gida laguntzailea eta Gaztelugatxera sartzeko tiketaren kudeaketa. Autobusak 09:30ean eta 11:30ean aterako dira Lamerako autobus geltokitik.

Erreserbak egin daitezke www.bizibermeo.eus webgunean. Nagusiek 14 euro ordaindu beharko dituzte, 6 eta 12 urte bitartekoek 9 euro, eta 6 urtetik beherakoek euro bat (gehienez ere 6 urtetik beherako bi ume joan ahal izango dira helduen erreserba bakoitzeko).

Informazio gehiago behar dutenek Turismo Bulegora deituta (94 617 91 54) eta idatzita (turismoa@bermeo.eus) edo www.bizibermeo.eus webgunera sartuta lor dezakete.

BESTE GAI BATZUK

Arabako Foru Aldundiko Mugikortasun Jasangarriaren eta Bide Azpiegituren Sailak Eltziego, Zanbrana eta Azazetako zeharbideen segurtasuna hobetuko du seinaleztapena eta trafikoa baretzeko neurriak indartuta. Era berean, helburu berarekin esku hartuko du Zalduondo, Gereñu, Durana, Manurga, Berganzo eta Oleta herrietako bide tarteetan. Programak 600.000 eurotik gorako aurrekontua du.

Jon Nogales Mugikortasun Jasangarriaren eta Bide Azpiegituren foru diputatuak iragarri ditu esku hartzeak asteazken honetan Arabako Batzar Nagusien osoko bilkuran, eta neurri prebentibo eta aringarrien urteko programaren barruan kokatu ditu.