Mercadonak supermerkatu berria ireki du astelehen honetan Zarauzko (Gipuzkoa) Urteta bideko 3an, Errotaberri industrialdean. Saltokiak 80 langile baino gehiago ditu eta 7,5 milioi euroko inbertsioa eskatu du. Gainera, eraikitze lanetan 60 hornitzailek hartu dute parte, obrek iraun duten bitartean 100 pertsona ingururi lana emanez.
Konpainiak jakinarazi duenez, supermerkatu berriak bere "denda eraginkor eredua" jarraitzen du, zeinak zerbitzuaren bikaintasuna indartzen baitu, 'nagusi' edo bezeroentzat, langileentzat, hornitzaileentzat eta gizartearentzat hobekuntzak aurkeztuz.
Supermerkatuak 1.800 metro koadroko salmenta aretoa eta diseinu erabat berritua ditu, kolore eta material berriak dituen aurreko denda ereduarekin alderatuta. Atal berriak ere ditu, hala nola urdaitegia unean ebakitako eta ontziratutako urdaiazpikoarekin, edo laranja zuku egin berriaren zerbitzua. 'Jateko prest' atala ere badu.
Saltokiak diseinu erabat berritua du aurreko denda ereduarekin alderatuta, kolore eta material berriekin, bai sarrerako kanpoko fatxadan, bai atalen banaketan. Halaber, espazio zabal eta gardenen alde egin da, argi naturala errazago sar dadin, eta kolore beroak erabili dira inguruneak bereizteko.
Dendak gune komunak ere izango ditu, langileek atseden hartzen dutenean erosotasun handiagoa izan dezaten, baita jangela ekipatuago bat eta armairu pertsonal zabalagoak eta erosoagoak ere
Orobat, langileen eguneroko lanak errazteko asmoz, ergonomia hobetzeko eta gehiegizko esfortzuak saihesteko hainbat neurri ditu; adibidez, kutxako altzari berria Valentziako Biomekanika Institutuarekin elkarlanean garatu da. Dendak gune komunak ere izango ditu, langileek atseden hartzen dutenean erosotasun handiagoa izan dezaten, baita jangela ekipatuago bat eta armairu pertsonal zabalagoak eta erosoagoak ere.
DENDA BERRIA
Mercadonaren denda berria teknologikoki guztiz konektatuta dago, langileentzako gailu elektroniko eta elkarlaneko tresnak integratuz. Gailu horiekin saltokiko edozein ataletik informazioa parteka daiteke, supermerkatu bakoitzaren autogestioa erraztuz eta kate osoko prozesuak arinduz.
Berrikuntza horiek guztiek prozesuak optimizatzeko eta dendaren kudeaketa denbora errealean ezagutzeko aukera emango dute. Ondorioz, erabakiak hartzea erraztu eta kudeaketa bizkortuko da, batez ere, produktu freskoena.
Zarauzko supermerkatua 09:00etatik 21:00etara egongo da irekita astelehenetik larunbatera, eta 170 aparkaleku ditu, horietako bost ibilgailu elektrikoentzako; bizikletentzako 18 aparkaleku ere ditu. Gainera, Mercadonak sareko erosketak gaitu ditu www.mercadona.es webgunearen bidez.
