BBK-k eta Bilbao BBK Live jaialdiak antolatzen duten Sirimiri zikloak sei kontzertu eskainiko ditu irailaren 12tik azaroaren 20ra bitartean Bilboko BBK Salan, eta Albany, Samantha Hudson, Robert Finley, Juicy BAE, Queralt Lahoz eta Amore+Mirua ariko dira.

Antolatzaileek jakinarazi dutenez, Albany egungo eszena urbanoko ahots berezienetako batek hasiko du zikloa irailaren 12ean, "trap melodiko, elektronika ilun eta sentsibilitate emoko mixarekin".

Astebete geroago, irailaren 20an, Samantha Hudson LGTBIQ+ kolektiboaren ikonoaren txanda izango da, eta urriaren 26an Robert Finley ariko da, The Black Keys taldeko Dan Auerbachek babestutako artista, hegoaldeko soul, heavy rock, swamp pop edo jazz doinuak uztartuz.

PROGRAMAZIOA

Azaroaren 6an Juicy BAE izango da BBK Salan, "sentsualtasuna eta indarra uztartuz trap, soul eta dancehallek infusionatutako musika batean", eta azaroaren 16an, berriz, Queralt Lahozek flamenko eta hip hop doinuak elkartuko ditu.

Azkenik, Amore eta Mirua taldeek bukatuko dute aurtengo Sirimiri zikloa azaroaren 20an. Proiektu desberdinak izan arren, esperimentazio, pop eta musika elektronikoarekiko maitasuna partekatzen dute bi taldeek.

Kontzertuoatarako sarrerak asteazkenean jarriko dira salgai, ekainaren 18an, 11:00etan, www.lasttour.org, www.bilbaobbklive.com eta www.salabbk.bbk.eus webguneetan.

Bestalde, Sei proiektuk jasoko dituzte Arabako Foru Aldundiak sustatutako gizarte zerbitzuetako jardunbide egokien BeBai 2025 aitorpenak Gasteizko Europa jauregiko Francisco de Vitoria auditoriumean egingo den ekitaldian.

Hain zuzen, Ikiriki eta Azirkarte Gizarterako Elkarteak, Aspace Arabak, Murgia-Zuiako Orobide egoitza zentroak, Gasteizko Udalak, Osasun Mentaleko Jardunaldien Batzorde, Aguraingo Udal eta Gizarte Ongizarterako Foru Erakunde eta Asafesek, eta IRSE Araba, Sartu Araba eta Gizarte Ongizaterako Foru Erakundeak egindako proiektuek jasoko dituzte sariak.

Hainbat kolektiboren bizi kalitatea hobetzen laguntzen duten ekimenak dira, hala nola desgaitasuna duten pertsonena, gizarte bazterketako egoeran dauden emakumeena, familiena eta adinekoena eta haien familiena, foru erakundeko iturriek jakinarazi dutenez.