Martxan

Eta denboraldia berritasun batekin hasten da. Emakumezkoen futboleko kategoria berri bat sortu da: F11 Haur-Kadete Emakumezkoa. Federazioak eta klub askok ahalegin handia egin dute hori gerta zedin; izan ere, kategoria honen helburua da jokalariak prestatzea kirol-garapenean, eta zubi naturalagoa da goragoko mailetarako. Denboraldi honetan 8 taldek osatuko dute liga hau: Hauskaitz, Lakua A, Lantaron, Altzarrate B, Aurrera C, Lakua Arriaga eta Ipar Arriaga.

Denboraldiaren hasierarekin batera, Zaramagako La Vitoriana zelaietara hurbildu ginen, taldeek denboraldiari nola egiten zioten aurre ikusteko.

Iñigo Herrero Lasheras - Kimua D CD Ibailakua

Iñigok 10 urteko 13 haur ditu bere ardurapean. Joan den denboraldian, jokatzerik izan ez arren, talde txikiak eginez entrenatzen saiatu ziren, baina pandemiaren ezegonkortasunak ez zien erregulartasunez egiten utzi. Honetan, ordea, ahal izan dute. «Beti izan dute entrenatzeko eta jolasteko gogoa. 6 jokalariko taldeekin bakarrik entrenatzeko aukera zegoenean, gogo biziz jaisten ziren, baina urduri ez zekitelako nola igaroko zen denboraldia birusarenarekin, baina orain entrenamenduak eta partidak normaltasunez hastea gehigarri bat da ikasteko eta ondo pasatzeko gogo gehiagorekin etor daitezen», azaltzen du teknikariak.

Klubetik, geldialdi honetan guztian, animatu dute lagunekin edo familiekin futbolean jokatzeari utz ez diezaioten, eta motibatu egiten zituzten gogoraraziz hau amaituko zela eta zelaira itzuliko zirela entrenatzera, jolastera eta dibertitzera. Nolanahi ere, Iñigok «gogorra izan da futbolean jolasteko eta ondo pasatzeko gogoa duten haurrak ikustea eta haiekin entrenatzeko eta jolasteko aukerarik ez izatea» aitortzen du. Eta denboraldiari begira «jokalariek jokatzen eta entrenatzen oso ondo pasatzea, behar baitute jasan dugun guzti horren ostean» nahi du, eta espero du «futbola jada ez gelditzea, beste urte batean geldirik egon ezkero, haurrek motibazioa galduko dute eta kirola egiteari utziko diotelako».

David Gallardo Ortiz eta Joel Lete García - Kimua C CD Lakua-Arriaga

Lakua Arriagako Kimuak C taldean 10 urteko 14 haur aritzen dira, astearte eta ostegunetan ordubetez entrenatzen. Duela bi hilabete hasi ziren entrenamenduak, lehiaketa lehenbailehen hasiko zelakoan, baina haurrak, entrenatzaileek adierazten duten bezala «urduri zeuden, gogotsu, baina apur bat galduta eta sentimenduak azal-azalean zituztela».

Protokoloetara eta neurri aldakorretara egokitzea konplikatua izan da, baina beharrezkoa, eta ontzat eman dute berriro martxan egon ahal izateko. Beti errepikatzen diete haurrei mezu bera: «etor daitezela gozatzera eta ikastera, erabil dezatela zaletasun hau eskolatik eta egunerokotasunetik deskonektatzeko, ez dadila betebeharra izan, baizik eta gozatzeko eta osasuntsu egoteko jarduera», eta denboraldi honetan pentsatzerakoan ere argi dute bideak «kirol polit honetaz gozatzea, taldean jolasten eta kideak izaten ikasten» izan behar duela.

Yeray Marquez Arrieta - Benjamin Futbola 8 San Viator

Astearte eta ostegunetan San Viator Benjamin futbol 8ko 15 haurren entrenamendueguna da. Horrela da irailaren 15etik, denboraldia hasi zenetik. Hasieran urduri samar zeuden, baina Yeray Marquez entrenatzaileak normala ikusten du hori, geldialdi pandemikoaz gain, «lehenengo urtea baita lehiatzeko aukera dutelako».

Lana ez da erraza izaten ari, kategoria honetan «beste kategoria batean jokatzen irakastea dagokigulako. Beren lehen urtea da F8an, F5a baino askoz handiagoa den zelaian» azaltzen du teknikariak eta «jokalariek taldean jokatzea, taldekide berriak ezagutzea eta, batez ere, asko goza dezatela», helburu duela gehitzen du. Lehiaketa martxan dagoela, Yerayk aitortzen du «ilusioz gainezka daude, lehiaketa berriro sentitzea sentsazio oso atsegina delako».

Álvaro Mendiguren - Benjamin Futbola 8 Ajuria-Abendaño

Álvaro bere 13 jokalariekin dagoenean, mezu hau argi geratzea nahi du: «Lehiaketa ez da garrantzitsuena, prestakuntza bai». Ideia horrek, hala ere, ez du talka egiten berak eta bere jokalariek Liga hasteko duten ilusioarekin, ulertzen baitute zati bat gehiago dela, beharrezkoa, eta gustatzen zaie. «Lehiaketa aparteko motibazioa da, eta entrenamenduak lehiaketara bideratuta daude, baina gauza batzuk ez dira ahaztu behar: denek minutu kopuru bera jokatu behar dute gutxi gora-behera, eta mundu guztiari eman behar zaio garrantzia», nabarmentzen du, eta argi dauka kategoria horietan «irabazi ala ikasi» egiten duzula.

Denboraldiari aurre egiteko helburuan pentsatzea tokatzen bazaio, Mendigurenek ez du zalantzarik: «Lehenak amaitzea». Jarraian, bere adierazpena azaltzen du: «Partida guztiak irabazi nahi ditugu, eta horretarako entrenatzen gara, baina inoiz ez dugu emaitza bat bilatuko haur bat jokatu gabe utziz, haur bati minutu gutxiago jokatzen utziz edo atezain bat aldatuz huts bat duelako, horrela ez du balio», ziurtatzen du. «Hemen ez da edozein preziotan irabazten. Partida bat galdu behar bada, ez da ezer gertatzen. Galtzea jokoaren zati bat da, eta galtzen ikasi egin behar dute ere».