Merkealdi eta Okasioko Liburuen Azokaren inaugurazioa

Merkealdi eta Okasioko Liburuen XXXIV. Azoka inauguratu zuen atzo Hezkuntza eta Kultura zinegotzi Estibaliz Cantok. Urrezko Zeledonen plazan izan zen, atzotik hasi eta urriaren 3ra bitartean. Euskadiko liburu-azoken koordinatzaile Asier Muniategi izan zuen lagun zinegotziak. Euskal Autonomia Erkidegotik nahiz Estatuko beste leku batzuetatik -Madril, Andaluzia, Gaztela eta Leon eta abar- etorritako liburu-dendek 12 saltoki jarriko dituzte orotara. Gaztelaniazko eta euskarazko merkealdi eta okasioko liburuak izango dira.