Uda honetan ere, Gasteizko Udalak indarkeria matxistaren aurkako sentsibilizaziorako eta prebentziorako dispositibo bereziak aktibatuko ditu: auzoetako jaietan eta patronaletan, eta talde ibiltariekin Gamarrako, Mendizorrotzako eta Estadioko igerilekuetan.
Hala, bertatik gaur bertan prentsa-ohar baten bitartez jakinarazi dutenez, k-Kanpaina LibreIzanNonahi indarkeria matxista prebenitzeko udal Estrategiaren parte da. Aurtengo leloa: Sarean seguru, errebelde eta alai LibreIzanNonahi ospatu, antzeztu, erantzun.
Kanpaina hau datorren ostiralean, hilak 23, hasiko da, San Joan bezperan, Judimendi auzoko jaietako jai-gunean. "Hezitzaileek 23:00etatik goizaldeko 2:00etara lan egingo dute, eragin handieneko ordutegian eta gazte kopuruan", apzimarratu zuten.
"Jaietako sentsibilizazio- eta prebentzio-taldeez gain, udako kanpaina igerilekuetara zabalduko da beste urte batzuetan bezala, eta Andre Maria Zuriaren jaiei buruzko ohiko informazio-gunea izango du. Aurtengo kanpainaren xehetasun guztiak laster jakinaraziko dira", azpimarratu zuten.
Bestalde, Gasteizko Udalak eta PreZero-Onaindia ABEEak lanean jarraituko dute udako denboraldiaren hasierarekin aurreikusitako ospakizunei estaldura emateko, eta hurrengo asteburuan Judizmendi auzoko jaiak izango dira, ekainaren 24an eta 25ean.
Urteko gaurik laburrenean, San Juan egunean, ospatzen diren jaiak estaltzeko aurreikusi den dispositiboan aparteko garbiketa-ekipo bat egongo da: 4 langile espaloiak erraztatzeko makinarekin eta ekortzeko bi ibilgailu osagarrirekin, ospakizuna egiten den espazio publikoak garbitzeaz arduratuko direnak.
