Etorkizuneko Euskadi eraikitzen

Nolakoa izango da Euskal Autonomia Erkidegoa etorkizunean? Zer Euskadi ari da eraikitzen?

"Enpresa proiektu komun batean konprometitutako enpresaburuen eta langileen batura da. Etorkizuneko Euskadi arrakastatsua izango da baldin eta helburu bererako sakonean lan egiten duten pertsona ekintzaileak eta langileak baditugu".

Hitz horiekin, Iñigo Urkullu Lehendakariak (Arantxa Tapia Garapen Ekonomiko, Jasangarritasun eta Ingurumen sailburuarekin batera) itxi zuen atzo 2023 Enpresaren Eguna. Aurten ere, ADEGIk antolatu zuen ekitaldia. Eta, aurten ere, pertsona ausarta eta konprometituen jarrera, esperientzia eta ibilbidea aintzatetsi zen.

Ekitaldia Fabrika zentroan egin zen, Erakundeen Trantsizio Kulturalerako diseinatutako lehen Errendimendu Handiko Zentroan. Bertan, Urkulluk lan-kultura berrian eta errotzean, talde-lanean, prestakuntza-inbertsioan, eraginkortasunaren eta etengabeko hobekuntzaren kulturan edo erronka berrietara egokitzeko gaitasunean oinarritutako lanaren eta antolaketaren kultura defendatu du. Halaber, enpresaren kontzeptu berria ere partekatu du, proiektu komun gisa ulertuta.

Gipuzkoako enpresarien urteroko bileran, Lehendakariak iragarri zuen datorren asteartean Gobernu Kontseiluan onartuko dela eta Legebiltzarrera bidaliko dela Finantzen Euskal Institutuaren lege-proiektua. Urkulluren arabera, helburua Finantzen Euskal Institutuaren erregulazioa errealitate ekonomiko eta normatibo berrira egokitzea da, “gure produkzio-ehunari ematen zaion laguntza hobetzen jarrai dezagun, gure esku dauden tresna guztiekin haren hazkundea eta sendotzea bultzatuz”