321 ETEk euskal berrikuntza ekosistemarekin bat egin dute Hazinnova programari esker.

Hala, 2022an burutu zen Ekonomia Garapen, Jasangarritasun eta Ingurumen Sailak, SPRIk eta Innobasque-Berrikuntzaren Euskal Agentziak bultzatutako iniziatibaren hirugarren edizioa, jadanik 650 ETE akreditatu baino gehiagorekin ospatu da. Izan ere, Hazinnova ziurtagiria EAEko herri desberdinetan egingo diren bost ekitaldietan emango zaie enpresei.

Ildo horretatik jarraituz, Ziurtagirien banaketa ekainetik uztailera izango da, Araba, Bizkaia eta Gipuzkoako eskualde desberdinetan ospatuko diren bost ekitalditan. Lehenengoa hurrengo ekainaren 13an Barakaldon egingo da. Ziurtagiri-banaketa ekitaldia ekainaren 19an Ermuan egingo da, ekainaren 26an Gasteizen, uztailaren 4an Urnietako herri gipuzkoarrean, eta uztailaren 13an Azpeitian.

“Badakigu enpresa txikiek zailtasunak izan ahal dituztela beharrezko baliabideak edukitzeko berrikuntza proiektuak burutzeko eta merkatuan lehiakor mantentzeko. Horregatik sortu genuen Hazinnova, programa ETEentzat berrikuntzara sartzeko atea izateko, berrikuntza azken urratsera arte zabalduz, euskal lurraldeko enpresa guztiengana helduz. Berrikuntza txiki batek aldaketa handia egin daiteke ETE batek merkatuan duen posizioan. Enpresen asebetetze-tasak, 10tik 8,82ko batez besteko nota du eta horrek adierazten digu bide zuzena dela”, azpimarratzen zuen Aitor Urzelaik, SPRI Taldeko zuzendari nagusiak.

Hazinnovak laguntzak ematen dizkio euskal enpresa txiki eta ertainei berrikuntza ez-teknologiko mikro-proiektuak ezartzeko, produktuan eta negozio-prozesuetan bideratuta, fabrikazio, logistika, merkaturatze, administrazio edo finantzak bezalako arloetan. Hazinnovaren 2022ko deialdian parte hartu zuten, lurraldeka: Bizkaian 156 enpresek (225 proiektu), Gipuzkoan 118k (121 proiektu) eta Araban 47k (64 proiektu). Guzti horiek dira 5 eta 99 langile tartean dituzten ETEak, jarduera-zentroa Euskadin dutenak eta industria sektorekoak (manufaktura, uren eta hondakinen kudeaketa, energia horniketa, etab.) edo zerbitzuetakoak (IKT jarduerak, handizkako garraio eta merkataritza, besteak beste) direnak. Haietako batzuk gehiagotan errepikatu dute, hau da, aurreko Hazinnovaren deialdietan parte hartu dute.