Muchachito Bombo Infiernok kontzertua eskainiko du ostiralean Bilboko Kafe Antzokian

BILBO. Diskorik argitaratu gabe bost urte eman ondoren, Muchachito Bombo Infierno estudioko laugarren lana grabatzen bukatzen dabil, eta 2016ko udaberrirako kaleratuko du disko autoeditatu hau. Halere, horren aurretik, 2015. urtea errepidean amaitu nahi du eta, La Maqueta izeneko bira txikian, disko berriko kantak aurreratuko ditu.

Muchachito Bombo Infiernok orkestra-gizon baten moduan aurkeztuko du La Maqueta, hainbat musika tresnak lagunduta: bere dunbala, gitarrak, teklatua edo loop station. Festa giroko ikuskizun honetan, kanta berriak aurkezteaz gain, jendeak entzun eta dantzatu nahi dituen abestirik gogokoenak ere eskainiko ditu.