Eman duzu izena udalekuetan?

Datorren asteartean, ekainak 13, Arabako Museoen Sareak antolatzen dituen udalekuetarako izena emateko aldia hasiko da, 90 plazarekin.

Alde batetik, 1. programa Arabako Arte Ederren Museoan egingo da. Bestetik, 2. programa BIBAT, Natura Zientzia eta Arma Museoan egingo da. Azken hori parte hartzen duten museoek batera osatutako programa bat da, beren artean ardatz komuna duten gai eta jarduerekin. Uztailaren 5eko, 12ko eta 19ko asteetan izango dira biak, 15 plazako taldeetan, 90 guztira.

Izen emateak presentzialak dira, eta Arte Ederren Museoan edo BIBATen egin daitezke, irekita dauden ordutegian. Eskaerak iristen diren hurrenkeraren arabera onartuko dira.

Asteko moduluak dira, asteartetik ostiralera. Tarifa orokorra 37 eurokoa da, baina familian joanez gero hobariak daude (bigarren anaia/arreba 18 euroan eta hirugarren anaia/arreba 9 euroan).

Aurten, ordutegia 11:00etik 13:00etara izango da. Jarduera motaren arabera: BIBAT, Arma eta Zientzia Museoan 6 eta 12 urte bitarteko adingabeei zuzenduta dago, eta Arte Ederretan, 5 eta 11 urte bitartekoei. Hala, eskaintza ere zabaldu da.  

nformazio guztia liburuxkan dago.

Next funtsak

Arabako Foru Aldundiko Kultura eta Kirol Sailak Arabako Lurralde Historikoan hiriguneetatik kanpoko eremuetan kultura eskaintza zabaltzeko eta dibertsifikatzeko dirulaguntzak emateko 2023ko deialdiaren epea ekainaren 12an amaitzen da.

Dirulaguntza eskaeraren xede diren proiektuak 2023ko urtarrilaren 1etik 2023ko azaroaren 30era bitartean gauzatu beharko dira. Dirulaguntzaren zenbatekoa, Next funtsei lotua, 108.187 euro da. Hiru modalitate daude: Enpresak: 50.000 euro. Elkarteak: 30.000 euro. Toki erakundeak: 28.187 euro.