GASTEIZ. Valderejoko Parke Naturalean laugarren urtez izango dira udalekuak. Ingurumen hezkuntza eta jolasa uztartzea da Arabako Foru Aldundiak Valderejon antolatutako programaren helburuetariko bat. Hori guztia "inguru zoragarri batean, hala paisaiaren nola ingurumen ikuspuntutik, non bat egiten duten bazter bakan ugarik, hala nola Puron ibaiaren haitzarteak, hutsik dauden Ribera eta Villamardones herriek, eta Vallegrulleko labar harritsuek.
Guztira, 12-13 urteko 90 neska-mutilek astebete igaroko dute, uztaileko lehen hiru asteetako batean, 30na laguneko hiru txandetan banaturik. Eskaintzen diren hezkuntza jardueren artean daude sai arrei buruzko jarduerak, erroldak egitea, hegazti txikiei erantzunak jartzea edo astronomia lantegiak. Neska-mutilek perretxikogintza laboreak ere egin ahal izango dituzte, bai eta bertatik bertara ezagutu konpostaje teknikak eta konpostajearen onurak ere.
2014. urtetik, Valderejok urtero hartzen du parte foru aldundien "Udalekuak" hezkuntza programan. Naturaren hurbiltasuna eskaintzen du,ingurune naturala ezagutzeko aukera, finean, aurten 25 urte betetzen dituen parke naturala gozatzeko aukera.
