Bilboko Udalak irekita mantenduko ditu kanpoko igerilekuak irailaren 30era arte

Udalbatzak erabaki zuen Txurdinagako igerilekuak hurrengo hilaren amaierara arte zabalik izatea, eta, orain, Artxandakoak eta Errekaldekoak gehituko zaizkio.

Udalak aitortu duenez, luzapen honekin, uztailean mantentze-lanetako langileek egindako grebaren ondorioz zerbitzua eten izana konpentsatu nahi izan du.

Irailaren 9tik (astelehena) hileko azken egunera arte, kanpoko udal-igerilekuak egunero egongo dira irekita

Horrela, irailaren 9tik (astelehena) hileko azken egunera arte, kanpoko udal-igerilekuak egunero egongo dira irekita. Txurdinagako igerilekuak 10:00etatik 20:00etara egongo dira zabalik eta Artxandakoak eta Errekaldekoak, ordea, 12:00etatik 20:00etara.

Bestalde, Udalak informatu du Abusu, Atxuri, Artxanda, Deustu, Errekalde, Miribilla, San Mames eta Txurdinagako igerileku estaliak igande honetan irekiko direla(irailak 1).

Igerileku estaliek beren ohiko ordutegia izango dute: astelehenetik ostiralera, 7:15etik 22:00etara (Casilla eta Artxanda, 8:00etatik 22:00etara)

Igerileku estaliek beren ohiko ordutegia izango dute: astelehenetik ostiralera, 7:15etik 22:00etara (Casilla eta Artxanda, 8:00etatik 22:00etara); larunbatan, 9:00etatik 22:00etara, eta igandean eta jaiegunetan, 9:00etatik 15:00etara (Txurdinaga eta San Inazio, 9:00etatik 19:00etara).

Era beran, irailean zehar, Zorrotzako eta San Inazioko igerilekuak itxita egongo dira, urteroko mantentze-lanak egiteko, eta Casilla itxita egongo da asteburuetan.