Euskal Autonomia Erkidegoko (EAE) Kontsumo Prezioen Indizeak (KPI) %0,2ko gorakada izan du azaroan aurreko hilarekiko, eta horrela, azken 12 hilabeteetan pilatutako tasa %2,9ra iritsi da. Gainera, prezioak %3,0 gehitu dira 2024ko urtarriletik azarora arte, INE estatistika erakundeak ostiral honetan plazaratutako datuen arabera.
Azaroan prezioek sektore guztietan egin dute gora urriaren aldean, aisia eta kulturan (-%1,4), hotel, kafe eta jantokietan (-%0,8) eta tresnerian, komunikazioetan eta hezkuntzan izan ezik (%0,0na). Horrela, prezioak %0,2 gehitu dira elikagai eta alkoholik gabeko edarietan, %0,4 alkoholdun edari eta tabakoan, %2,9 jantzi eta oinetakoetan, %1,9 etxebizitzan, %0,3 botiketan, %0,5 garraioan eta %0,3 besteetan.
Bestalde, urtarriletik azarora arte, prezioak aisia eta kulturan soilik jaitsi dira (-%0,1), eta gainerakoetan igo egin dira: %3,3 elikagai eta alkoholik gabeko edarietan, %6,7 alkoholdun edari eta tabakoan, %1,6 jantzi eta oinetakoetan, %7,7 etxebizitzan, %1,2 tresnerian, %2,3 botiketan, %0,6 garraioan, %0,2 komunikazioetan, %2,4 hezkuntzan, %4,1 hotel, kafe eta jantokietan eta %3,7 besteetan.
Azkenik, urte arteko aldian, prezioek garraioan bakarrik egiten dute behera, %0,7ko jaitsierarekin, gainontzekoetan igo egin diren bitartean: %3,0 elikagai eta alkoholik gabeko edarietan, %4,5 alkoholdun edari eta tabakoan, %0,9 jantzi eta oinetakoetan, %8,3 etxebizitzan, %1,2 tresnerian, %2,8 botiketan, %0,1 komunikazioetan, %2,4 aisia eta kulturan, %3,6 hotel, kafe eta jantokietan eta %3,6 besteetan.
