DVD. Joxan Artzeren Heriotzaren ataria dugu bizitza eta Bizitzaren atea dukegu heriotza poesia-liburuetako poemak oinarri hartuta, Nola belztu behar zuria emanaldia sortu zuten iaz Bide Ertzean musika taldeak eta Metrokoadroka kolektiboko dramatzaileek. Ahots eta doinuz jantzi zuten Artzeren poesia eta atzo Elkar argitaletxeak aurkeztutako DVD batean bildu dute esperientzia. Argazkian, Bide Ertzean taldeko Ubeda anaiak eta Oier Guillan idazlea, atzo Donostiako Alde Zaharrean, lana aurkeztu baino lehen. Argazkia: Ruben Plaza
