Urtero legez, euskal komunitatearen inguruko berriak batzeaz arduratzen den Euskal Kazeta webgune estatubatuarrak `Basque Summer Festival Season 2015´ gida ezaguna argitaratu du. Hartara, 2015ean Amerikako Estatu Batuetan eta Kanadan ospatuko dituzten euskal jaialdiak zerrendatu eta deskribatu dituzte dagoeneko ikusgai dagoen gida interaktiboan.
Orotara, euskal komunitateak antolatutako 27 jaialdi batzen ditu Euskal Kazetaren gidak. 2015eko denboraldia larunbat honetan hasiko da Fresnoko euskaldunen urteroko festarekin. Aurton gainera, bost urterik behin ospatzen den Boiseko `Jaialdi 2015´ nazioarteko festa erraldoiak hartuko du leku. Estatu Batuak bestalde, munduko txoko desberdinetatik etorritako milaka lagunek euskal kolorez, musikaz eta kulturaz jantziko dute Boise uztailaren 28tik abuztuaren 2ra bitartean.
Jaialdien tamaina eta nolakotasunak aldatu egiten dira zonaldearen arabera, `Jaialdi 2015´ edota Bakersfield-eko (Kalifornia) festa handiagoetatik hasita, esaterako Homedal-en (Idaho) ospatuko diren bilkura xumeagoetara. Euskal Kazetatiko webgunean gida interaktiboak biltzen dituen udako jaialdi bakoitzeko datak, xehetasunak eta mapa ikusi daitezke.
