diskoa - Duela hiru urte sortu, lehen maketa bat plazaratu eta hamaika kontzertu egin ondoren, Tenpora taldeak bere lehen lan luzea aurkeztu du, Mundu berria izenburua duena. Pop-jazz ukituko hamabi kantuk osatzen dute diskoa, hamar abesti berrik eta bi bertsiok, alegia. Juantxo Zeberiok, Elene Arandiak, Hasier Oleagak, Itsaso Etxebestek eta Beñat Barandiaranek osatutako talde honek, gainera, Karlos Linazasorok eta Harkaitz Canok propio sortutako testuak erabili dituzte mundu berri hau eraikitzeko. - N.G.
