Gero eta emakume gehiagok bultzatzen dituzte enpresa-proiektuak eta beren gain hartzen dituzte lan-erronkak Araban eta Euskadiko gainerako lekuetan. Izan ere, azterlan baten arabera, emakumeen enpresa-ekimenek, lehen aldiz, gizonena gainditzen dute. Zentzu horretan, Ampeak jardunaldi bat hartu zuen astelehenean Vital Fundazioaren auditorioan, Coca-Colarekin lankidetzan, María Saiz Santos Ekintzailetzaren Euskal Behatokiko presidente, EEB-OVE eta Euskal Herriko Unibertsitateko irakaslearekin. Bertan, Behatokiak Global Entrepreneurship Monitor (GEM) delakoaren datuekin egindako azterlanaren Euskadiri buruzko datu nagusiak aurkeztu zituen, ENISA eta Coca-Colarekin lankidetzan, eta Coca-Colaren ekintzailetzarako gaikuntza- eta prestakuntza-programa GIRA Mujeres programaren esparruan egin zen.
Ildo beretik, eta emakumeen ekintzailetza bultzatzeko helburuz, Coca-Colak Gira Mujeres programaren seigarren edizioa egingo du aurten, 18 eta 60 urte bitarteko emakumeei zuzendutako prestakuntza- eta trebakuntza-programa, elikaduraren, edarien, aisiaren eta turismoaren sektoreetan ekiteko. Aurreko bost edizioetan, 279 euskal emakumek baino gehiagok parte hartu zuten. "Txostenean adierazten da ekintzaileek garrantzi handia ematen diotela proiektu ekintzaile bat abian jartzeko behar diren ezagutzak eta trebetasunak izateari", azaldu zuen jardunaldian. "Horregatik dira garrantzitsuak Coca-Colak duela bost urte abian jarri zituen Gira Mujeres bezalako programak, negozio-ekimen bat abian jartzen lagunduko dieten tresnak prestatzen, gaitzen eta eskaintzen laguntzen dutenak", azpimarratu du Coca-Cola Europacific Partners Iberiako Gipuzkoako komunikazio-kudeatzaileak, Unai Navarrok, jardunaldian.
Bestalde, María Saiz Santos EEBko Ekintzailetzaren Euskal Behatokiko lehendakariak eman zituen txostenaren ondorio nagusiak, bai estatu mailan bai Euskal Autonomia Erkidegoan. Hala, adierazi zuenez, covid-19aren krisiak ez du aldatu EAEko pertsona ekintzailearen profila; adina egonkor mantentzen da, 40 urte, sexu-desberdintasunak gero eta gutxiago nabaritzen dira, % 60k baino gehiagok goi-mailako eta unibertsitate ondoko hezkuntza-maila dute. Lorena Torres AMPEAko lehendakariak, berriz, datu horien garrantzia azpimarratu zuen, baita "datu horiek lurrera jaistearen garrantzia ere, ekintzailetza-ekosistemak sortuz, non emakumeek esperientziak partekatzen baitituzte beste enpresa ekintzaile batzuekin, eta beldurra galtzen baitute enpresa berrien buru izateko"; izan ere, azldu zuenez, "emakumeek ekintzaileekin harremana duten lekuetan, emakumeen ekimen-tasa altuagoak daude". Bestalde, nabarmendu zuen oraindik ez dagoela erreferenterik, eta oraindik ere badirela estereotipoak eta finantzazioa lortzeko oztopoak, emakumeei negozioak abian jartzea zailtzen dietenak.
Espainiako Ekintzailetzaren Behatokiak Global Entrepreneurship Monitor-en (GEM) datuekin egindako azterlanak, ENISA (Empresa Nacional de Innovación SA) eta Coca-Colarekin lankidetzan, eta Gira Mujeres ekimenaren bosgarren urteurrena dela eta egindakoak, ekintzailetzak bultzatzen dituen motibazioak aztertzean ikusten diren profilak ere jasotzen ditu. Anbizio handieneko motibazioak, hala nola munduan desberdintasun bat markatu nahi izatea, edo aberastasuna edo errenta oso handia sortu nahi izatea, handiagoak dira gizonen artean, eta gehiago agertzen da emakumeen artean familiako negozio edo tradizio baten jarraipena, gaineratu zutenez jardunaldian.
Datuak. Coca-Colak Gira Mujeres programaren seigarren edizioa egingo du aurten, 18 eta 60 urte bitarteko emakumeei zuzendutako prestakuntza- eta trebakuntza-programa, elikaduraren, edarien, aisiaren eta turismoaren sektoreetan ekiteko. Aurreko bost edizioetan, 279 euskal emakumek baino gehiagok parte hartu zuten. "Txostenean adierazten da ekintzaileek garrantzi handia ematen diotela proiektu ekintzaile bat abian jartzeko behar diren ezagutzak eta trebetasunak izateari", azaldu zuen jardunaldian. "Horregatik dira garrantzitsuak Coca-Colak duela bost urte abian jarri zituen Gira Mujeres bezalako programak, negozio-ekimen bat abian jartzen lagunduko dieten tresnak prestatzen, gaitzen eta eskaintzen laguntzen dutenak", azpimarratu du Coca-Cola Europacific Partners Iberiako Gipuzkoako komunikazio-kudeatzaileak, Unai Navarrok, jardunaldian. Gainera, hainbat datu eman ziren negozio-ideiak dituzten emakumeen artean, gizonekin alderatuta.
