Laneko emozioek, estresak, larritasunak, neke emozionalak edo lankideen arteko haserreak halako eragin negatiboa izan dezakete lanean baja behar duen langilearengan. Horri aurre egin eta garaiz antzemanez gero, laneko baja saihets daiteke. Horrelakorik ez badago, garrantzitsua da langile hori zaintzea eta laguntzea lanera ahalik eta azkarren itzul dadin, egonkortasun emozionala berreskuratzeko. Helburu horrekin, hain zuzen ere, San Prudentzio Fundazioak 40 aditu baino gehiago bildu zituen atzo nazio mailan, langileen osasun emozionalari buruz eztabaidatzeko. Topaketa hori Gasteizko Europa Biltzar Jauregian egin zen, goizeko zortzi eta erdietan akreditazioekin hasi eta arratsaldeko lau eta erdietan amaitu zen programazio zabalean.
"Gure helburu nagusia langileen osasun emozionala zaintzen ikastea da. Arlo horretan jardun nahi duen programa aitzindaria da. Ekintza apaleko proposamena da, baina ausarta", azaldu zuen DIARIO DE NOTICIAS DE ÁLAVA egunkarian Marta González Pescador psikologia klinklinikoan doktorea eta PsicoLaneko kanpo-aholkulariak. Psikologo honek ere parte hartu zuen atzo hitzaldietan. Goizeko hamaika laurden gutxiagotan, eta ordu erdiz, langileen emozionaltasunean laguntzeko PsicoLanen metodologia azaldu zuen. Jagoba Gómez Alonsorekin batera eman zuen hitzaldia, San Prudentzio SMPko arduradunarekin. "Urtebete baino gehiago daramagu programa honetan lanean. Eta martxotik aurrera Arabako enpresetan ezarri dugu; zehazki, bi enpresarekin ari gara lanean; bata, industria-arlokoa, 400 langilerekin, eta, bestea, hezkuntza-eremuan, 100 langilerekin", azaldu zuen. Haren hitzaldian azaldu zuenez, laneko segurtasunaren eta osasunaren arloan zailtasun gehien sortzen dituzten arazoen artean daude arrisku psikosozialak, eta nabarmen eragiten diete langileen, erakundeen eta ekonomia nazionalaren osasunari. "Osasun emozionalaren tratamendua oso konplexua da, eta lan esparruan enpresek ez dute tresna egokirik konponbideak eskaintzeko. Hori dela eta, ezin diote eraginkortasunez heldu arazo horri, osasuna eta lanaldiak galtzea eragiten baitu, bereziki Euskal Herrian", azaldu zuten hitzaldietan.
Hortik proiektu pilotu honen garrantzira. Psikologoak azaldu zuenez, ekimen honen bidez preben-tzioa landu nahi da, batez ere langile edo lankide bakoitzak garaiz detekta ditzan estres egoerak edo estutasunak.
Psikologo horretaz gain, beste pertsona batzuk ere izan ziren, hala nola María Jesús Álava Reyes (Apertia Consulting-eko lehendakaria eta Álava Reyes Psikologia Zentroko zuzendaria eta María Jesús Álava Reyes Fundazioko lehendakaria) eta José María Peiró Aulki (Valentziako Unibertsitateko Gizarte Psikologiako eta Erakundeetako katedraduna eta unibertsitate horretako IDOCAL Institutuaren eta UMIVE-IT lankidetzan garatutako Lan Osasunari buruzko azterlanaren zuzendari sortzailea), besteak beste.
Localizador. Laneko emozioek, estresak, larritasunak, neke emozionalak edo lankideen arteko haserreak eragin negatiboa izan dezakete lanean baja behar duen langilearengan. Horri aurre egin eta garaiz antzemanez gero, laneko baja saihets daiteke. Helburu horrekin, hain zuzen ere, San Prudentzio Fundazioak 40 aditu baino gehiago bildu zituen atzo nazio mailan, langileen osasun emozionalari buruz eztabaidatzeko.
"Gure helburu nagusia langileen osasun emozionala zaintzen ikastea da. Arlo horretan jardun nahi duen programa aitzindaria da. Ekintza apaleko proposamena da, baina ausarta".
"Urtebete baino gehiago daramagu programa honetan lanean. Eta martxotik aurrera Arabako enpresetan ezarri dugu; zehazki, bi enpresarekin ari gara lanean; bata, industria-arlokoa, 400 langilerekin, eta, bestea, hezkuntza-eremuan, 100 langilerekin".
