Aurtengo maiatzean, Merkatuen eta Lehiaren Batzorde Nazionalak hainbat enpresa zigortu zituen ehun kontratazio publiko baino gehiago manipulatzeagatik. Aholularitza-empresen kartela deiturikoa da. Bada, Alderdi Popularrak esan zuen atzo ebazpena jakin ondoren, Arabako Foru Aldundiak eta Araba Garapen Agentziak kontratu txiki bana ebatzi dutela inplikatutako enpresa batekin.
Administrazio publikoaren kontratuak dira, 15.000 euroko gehieneko balioarekin, eta ez dira Arabako Aldizkari Ofizialean argitaratzen. Hiru enpresa gonbidatu behar dira parte har-tzera, eta, ondoren, eskaintzarik onena aukeratzen da. Kasu honetan, Alderdi Popularrak ziurtatu du Arabako Foru Aldundiak sare honetan inplikatutako enpresak gonbidatzen jarraitzen duela, nahiz eta ebazpenak konpainia horiek kontratatzeko debekua dakarren. Hori dela eta, Marta Alaña batzarkide popularrak azpimarratu zuen "Arabako Aldundiak berak neurriak har ditzakeela ebazpen nazionalaren zain egon gabe", eta gaineratu zuen "EAJk ezer egiten ez badu, agerian utziko du gertu kasu hauetan ez duela nahikorik egiten". "EAJk uko egin dio Eusko Legebiltzarrean ikertzeari, eta, gure proposamenaren aurrean duten jarrera ikusita, froga daiteke askoz gehiago egin dezaketela praktika horiek baztertzen direla ziurta-tzeko",Eskaera hori azaroaren 8an eztabaidatuko da Arabako Batzar Nagusietan, mozio baten bidez. Mozio horretan, Ogasun Ministerioari eskatuko diote "lehenbailehen" ezar eta zehatz ditzala debekuaren irismena eta iraupena.
