"Lege proiektuak ez ditu aintzat hartzen gure aldarrikapenak"

"Lege Proiektuak, egungo egoerarekin alderatuta, berrikuntza positiboak dakartza, beste batzuk negatiboak, batzuek batzuei mesede egin diezaiekete eta beste batzuei kalte, eta ez ditu aintzat hartzen Euskal Herriko pentsiodunen mugimenduaren aldarrikapenak", adierazi zuten. Balorazio horren ondoren, legeak ekarriko dituen alderdi positiboak azaldu zituzten mugimendu horretatik. Lehenik eta behin, esan zutenez, pentsioen erosahalmena Lege bidez bermatzen du, pentsioak aurreko ekitaldiko inflazioaren arabera eguneratuz, inflazio negatiboaren kasuan pentsioak murriztuko ez direla bermatuz. Gainera, "bost urte geroago egin beharreko ebaluazioak, Legeak dioenari erantzuten badio, pentsioen erosahalmenari eusteko eta pentsiodunen nahikotasun ekonomikoa bermatzeko helburuarekin, ez luke errezelorik sortu behar". Ildo beretik, eta alderdi positiboekin jarraituz, lege honek koefiziente murriztaile berriak hartuko ditu kontuan (langileari ezin egotz dakiokeen arrazoiren batengatik erretiroa hartzen denean). Hala ere, alderdi horrek alderdi positiboa du, baita negatiboa ere. Zehaztu zutenaren arabera: "2024tik aurrera aplikatuko diren koefiziente murriztaile berriek, langilearen borondate askearen ondoriozko erretiro aurreratuen kasuetan, kasu batzuetan onurak ekarriko dituzte, eta beste batzuetan kalteak, aurreratutako hilabeteen arabera: 24, 23, 22, 2031tik aurrera, eta 5, 4, 3, 2 eta 1, 2004tik aurrera ere".

Alderdi nabarmen negatiboei dagokienez, mugimendu horretatik bi azpimarratu zituzten: alde batetik, "argi eta garbi kaltegarria da % 4ko osagarri ekonomikoa edo portzentaje gehigarria", erretiroa eskubide osoekin erretiroa har lezakeena baino adin handiagoan atzeratzen duenari aitortzen zaiona; eta hala da l"anean belaunaldi-txandari bidea ixten diolako, 30 urtetik beherakoen artean langabezia-ehuneko handiarekin, eta, gainera, pentsioa zenbat eta handiagoa izan, orduan eta onura handiagoa ekar-tzen duelako". Bestetik, "koefiziente murriztaileen eraginez, borondatez aurreratutako pentsioetan; ondoriozko pentsioaren gaineko murrizketa egiten denez, eta ez oinarri arautzailearen gainekoa, pentsio altuetan jaso beharreko pentsioaren azken zenbatekoa murriztuko da".

Gainera, alde batera utzitako eskarien artean, Arabako Pentsionistak elkartetik hainbat nabarmendu zituzten. Lehenik eta behin, 1.080 euroko gutxieneko pentsioaren eskaria aintzat hartzen ez dela ziurtatu zuten. Bestalde, "ez dago" alargun-tza-pentsioen balizko hobekuntzari buruzko aipamenik. Hirugarrenik, ez da aurreikusten erretiratuei beren borondatearen aurka konpentsa-tzea 2002ko urtarrilaren 1a baino lehen % 40rainoko koefiziente murriztaileekin, mutualistekin edo geroagoko beste batzuekin. "Baina, pentsiokideok, borrokak aurrera jarraitzen du, eta erreformaren bigarren zatian, belaunaldi arteko ekitatearen faktorea definitu beharko dute, 2027tik aurrera aplikatu beharrekoa, eta pentsio pribatuen funts berria, Pentsioen Sistema Publikoaren aurkako erasorik handiena, instrumentalizatu nahi izango dute. Berdin dio nork gobernatu, guk pentsioak defendatu".

Esaldia. "Baina, pentsiokideok, borrokak aurrera jarraitzen du, eta erreformaren bigarren zatian, belaunaldi arteko ekitatearen faktorea definitu beharko dute, 2027tik aurrera aplikatu beharrekoa, eta pentsio pribatuen funts berria, Pentsioen Sistema Publikoaren aurkako erasorik handiena, instrumentalizatu nahi izango dute", ondorioztatu zuten atzo mugimendutik.