Eragiteko Janzten, Gasteiztar euskaltzaleon gogoetarako une eta guneak atzo iritsi zen azken ediziora Oihaneder Euskararen Etxean. Bertan, beste behin ere, euskarak eta Euskal Autonomia Erkidegoan duen erabilerak garrantzi osoa hartu zuten. Eta edizio hori ixteko atzoko gonbidatuak Gartzen Garaio (Araialdeko Ekintzen Faktoria), Oskar García de Bikuña eta Jon Ruiz de Pinedo (Lautadako Euskararen Komunitea) izan ziren. Lautadako Euskararen Komunitatearen kasuan, euskara erabiltzen duten edo gehiago erabili nahi duten Lautadako entitate egituratuen (kolektiboak, establezimentuak, lantegiak, herriak) eta taldeen (bikoteak, familiak, lagun-kuadrillak) bilgunea zela azaldu zuten. Eta Gartzen Garaiok Araialdeko Ekintza Faktoriak abian jarritako proiektua izan zuen hizpide. Hala, DIARIO DE NOTICIAS DE ALAVA egunarian azaldu zuenez, Araialdea 2020 Gogoeta Estrategikoan "jauzi handi bat egitea erabaki genuen". Hain zuzen, herritarrei eta kolektibitateari eragiten dieten esparru guztietan -aisialdia, kultura, hezkuntza, ekonomia...- euskaraz egituratuko diren proiektu eraldatzaile berriak sustatuko dituzte, "gure balioekin bat egiten dutenak, hala nola, tokikoak, komunitarioak, eraldatzaileak, libreak edota feministak", azaldu zuen Gartzen Garaiok.
Duela hamaika urte sortu zen Araialdeko Ekintzen Faktoria, irabazi asmorik gabeko elkarte gisa. Hasierako helburua Araialdean euskararen erabilera bultzatzea zen. Eta ordutik etengabe hazi da. "Hamaika urte bete dira hainbat herritar bidea urratzen hasi zirenetik, Aiaraldean euskaratik eta euskaraz egituratuko zen komunitate bat eratzea helburu. Bide horretan Aiaraldea Hedabidea sortzea izan zen lehen pausua, baina lehen urrats horrek beste batzuk ekarri zituen atzetik: Kokoriko Hezkuntza Faktoriaren sorrera, Ekonomatuaren irekiera edota feminismoaren ildoaren aktibazioa, besteak beste", azpimarratu zuen. Denborarekin, proiektuak hazi egin zen, eta haien helburua handitu. Hori dela eta, duela bost urte, ortzimuga marraztu zuten gogoeta estrategikoan, eta Araialdeko Ekintzen Faktoriako lan guztia bildu eta sustatuko zuen espazio bat irekitzea erabaki zuten, Araialdeko euskararen espazio eta etxe bihurtzeko. Horrela, Laudioko industrialdean kokatutako pabiloi bat erosi zuten, "dozenaka bazkideren borondatezko kapital ekarpenei esker". "Matrioska estrategia baliatu zuten proiektua osatzeko, pabilioiaren barruan herri formatuko espazio bat atonduta, eraikin, plaza, kale eta berdegune propioak dituen herria", azaldu zuten Araialdeko Ekintzen Faktoriako albistean. Apirileko azken asteburuan egin zen Faktoriaren aurreinaugurazioa , bazkideei bideratutakoa. "Faktoria ez da bulego-gune huts bat izango. 750 metro karratu ditu pabilioiak eta bizi eta amestera bideratu nahi dute espazio guzti hori", azaldu zuten. Esparru horretatik, ilusioz eta ahaleginez ari dira lanean euskara izan dadin funtsezko proiektu eta ekintzetan, hala nola feminismoan, edo gai eraldatzaileetan. "Epe luzera begira mantenduko diren proiektu indartsu, serio eta eraginkorrak dira eta euskararen komunitate eraldatzaile gero eta handiagoa izatea nahi dugu".
Araialdeko Ekintzen Faktoria. Duela hamaika urte sortu zen Araialdeko Ekintzen Faktoria, irabazi asmorik gabeko elkarte gisa. Hasierako helburua Araialdean euskararen erabilera bultzatzea zen. Eta ordutik etengabe hazi da.
"Hamaika urte bete dira hainbat herritar bidea urratzen hasi zirenetik, Aiaraldean euskaratik eta euskaraz egituratuko zen komunitate bat eratzea helburu. Bide horretan Aiaraldea Hedabidea sortzea izan zen lehen pausua, baina lehen urrats horrek beste batzuk ekarri zituen atzetik: Kokoriko Hezkuntza Faktoriaren sorrera, Ekonomatuaren irekiera edota feminismoaren ildoaren aktibazioa, besteak beste".
