San Prudentzio egoitzan izango da San Antoneko zozketa, 17an

Berrikuntza nagusia San Anton Txiki zozketa izango da, Udal Folklore Akademiak antolatuta

12.01.2021 | 00:39
Aurreko errifa baten artxibo-irudia. Argazkia: DNA

GASTEIZ – San Anton eguneko errifa tradizionalak aurten ere ospa-tzea lortu dute, koronabirusa egon arren. Hori bai, jaieguna Espainia plazan ospatu gabe egingo da. Horrela, atzo Gasteizko Udalak jakinarazi zuenez, San Prudentzio egoitzak urteko zozketa ospatuko du hilaren 17an, arratsaldeko seietan. Horretarako, 30.000 txartel jarri dituzte salgai, bakoitza 0.60 euroan. Hala, jasotzen den dirua zentro horretarako izango da.

Zozketaren txartel hauek lor-tzeko, atzotik igandera arte, zurezko stand bat egongo da Zeledones plazan, eta bertan parte hartzeko aukera izango da. Ordutegia hainbat ordukoa izanen da goizez eta baita arratsaldez ere. Zehazki, 11:30etik 13:30era eta 18:00etatik 20:00etara. Txartelak eskuratzeko interesa duten baina ordutegi horretan toki horretara joan nahi ez duten pertsonentzat beste aukera batzuk ere jarri dituzte. Horregatik, zozketaren paper horiek hiriko gizarte-etxeetan, San Prudentzio egoitzan bertan, azoka-merkatuan, Peña Dulce gozotegian eta La Union-BYRA tabernan ere lor daitezke, hain zuzen ere. Aurten, sari hauek irabaz daitezke: txerri iberikoaren produktu-sorta bat, bi lagunentzako bidaia Tenerifera, bi lagunentzako sei gaueko zirkuitua Extremaduran zehar, gau bateko erlaxazio-ihesaldia Orduña Plaza hotelean, hiriko bizikleta bat, Principal antzokiko denboraldiko abonamendua, bi lagunentzat; 10.1 tablet pc bat, Bluetooth bozgorailu bat, liburuak erosteko bonoa eta Kutxako lan-etxebizitzako asegurua (urtebetez). Gainera, berrikun-tza nagusia San Anton Txiki zozketa izango da, Udal Folklore Akademiak antolatuta. Urtarrilaren 15ean izango da, 12:15ean, Musiketxean. Zuzenean eskainiko du ekitaldia Radio Vitoriak, Radio Vitoria Gaur saioaren barruan.

urteko tradizioa 1781eko urtarrilaren 17an egin zen lehen San Anton zozketa, ostatua manten-tzen laguntzeko dirua lortzeko asmoz. Eta tradizio horrek gorabeherak izan dituen arren, indarrean jarraitzen du eta arabar guztien urteko tradizio bihurtu da.

"Gasteiztarrak animatzen ditugu San Antongo errifa tradizionalean parte hartzera, San Pruden-tzioko egoitzaren alde, urtarrilaren 17an, igandea, arratsaldeko seietan ospatuko dena. Aurten, covid-19ak eragindako osasun-krisia dela eta, ez da jaiegunik izango Espainia plazan", azaldu zuen Estibaliz Canto Hezkuntza eta Kulturako zinegotziak.

Hitz horiekin beste urte batez animatu zituen arabarrak eta gasteiztarrak egoitzari laguntzeko zozketan parte hartzera.

noticias de noticiasdealava