“Udalen finantza tutoretza Aldundien esku dago”

Eudeleko elkarteburuak gogoratu du Euskal Herriak, kontzertu ekonomikoarekin, sistema berezia daukala

06.08.2020 | 00:23

Gasteiz – "Gobernuaren eta Espainiako Udalerrien eta Probintzien Federazioaren arteko akordioak –udalek soberakina erabiltzea ahalbidetzen duena eta hauentzat Estatuaren aurrekontuen funts galdurako 5.000 milioi euro bidera-tzen dituena– ez du Euskadiko udalerrien sisteman eta egituran eraginik izango". Hala adierazi zuen atzo Eudeleko elkarteburua den Gorka Urtaranek Euskadi Irratian izandako elkarrizketan.

Gainera, eta horren harira,Euskal Herrian, udalerrien finan-tza tutoretza Foru Aldundien esku dagoela gogoratu zuen, eta hemen sistema desberdina dagoela, kon-tzertu ekonomikoa hain zuzen ere.

Zentzu horretan, Urtaranek eskatu zuen kontzertuaren batzorde mistorako deialdia "ahalik eta lasterren" egitea, udal ikuspuntutik aztertu ahal izateko "nola hartuko dugun parte udalek zorpe-tze ahalmen batean –hau oso murriztuta daukagu gainera–, eta nola parte hartuko dugun ere Espainiatik eta Europatik euskal udalerrietara heldu ahal diren eta heldu behar diren ezohiko funtsean–", aipatu zuen.

Elkarrizketan zehar, gainera, Juan Carlos I.-aren "ihesa" kritikatu zuen, eta La Blanca-ri buruz ere hitz egin zuen. Gai hau "penarekin" aipatu zuen, covid-19a dela eta bertan behera geratu direlako jaiak, eta herritarrek lehen orduetan izan zuten "jarrera ona" balioetsi zuen amaitzeko.